អគ្គនាយកដ្ឋានអត្តសញ្ញាណកម្ម៖ នៅព្រឹកថ្ងៃសុក្រ ៥រោច ខែអាសាឍ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១០ ខែកក្កដា ឆ្នាំ២០២០ លោកជំទាវ ឧត្តមសេនីយ៍ឯក ឌុច ដាណា អគ្គនាយករង និងជាប្រធានក្រុមការងារយេន​ឌ័រ​អគ្គនាយក​ដ្ឋាន​អត្តសញ្ញាណកម្ម បានដឹកនាំកិច្ចប្រជុំ​ ស្ដីពី លទ្ធផលការងារបញ្រ្ជាបយេនឌ័រឆមាសទី១ និងទិស​ដៅការងារឆមាសទី២ ឆ្នាំ២០២០ របស់អគ្គនាយក​ដ្ឋាន​អត្ត​សញ្ញាណកម្ម។ ក្នុងកិច្ចប្រជុំនេះផងដែរក៏មាន​ការ​អញ្ជើញ​ចូលរួមពី លោក-លោកស្រី ប្រធាន អនុប្រធាន និងសមាជិកសមាជិកា​ក្រុមការងារយេនឌ័រ នៃនាយកដ្ឋាន​ចំណុះអគ្គនាយក​ដ្ឋានអត្តសញ្ញាណកម្ម សរុបចំនួន ៤១នាក់ (ស្រី ៣៣នាក់)។

ក្នុងពិធីនេះផងដែរក៏មានការផ្សព្វផ្សាយអំពី៖

-ប្រកាសលេខ ២៨៨៤ប្រក ស្ដីពីការផ្ទេរសមត្ថកិច្ច ក្នុងការផ្ដល់សៀវភៅស្នាក់នៅ និងសៀវភៅគ្រួសារ

-អនុក្រឹត្យលេខ ៣៩ អនក្រ.បក ស្ដីពីការកែស​ម្រួល​អនុក្រឹត្យលេខ ៤៤ អនក្រ.បក ចុះថ្ងៃទី២១ ខែមីនា ឆ្នាំ២០១៧ ស្ដីពីការពិន័យអន្តរការណ៍ចំពោះអំពើល្មើសនឹងច្បាប់ចរាចរណ៍ផ្លូវគោក៕