កិច្ចប្រជុំផ្សព្វផ្សាយសេចក្ដីណែនាំ ស្តីពីការជំរុញផ្តល់ឯកសារបញ្ជាក់អត្តសញ្ញាណជូនប្រជាពលរដ្ឋខ្មែរដែលទើបវិលត្រលប់មកពីប្រទេសថៃ និងប្រជាពលរដ្ឋខ្មែរដែលពុំទាន់មានឯកសារគ្រប់គ្រាន់
ថ្ងៃសុក្រ ទី០៥ ខែកញ្ញា ឆ្នាំ២០២៥ ១៨:៥១ ល្ងាច

កិច្ចប្រជុំផ្សព្វផ្សាយសេចក្ដីណែនាំ ស្តីពីការជំរុញផ្តល់ឯកសារបញ្ជាក់អត្តសញ្ញាណជូនប្រជាពលរដ្ឋខ្មែរដែលទើបវិលត្រលប់មកពីប្រទេសថៃ និងប្រជាពលរដ្ឋខ្មែរដែលពុំទាន់មានឯកសារគ្រប់គ្រាន់

កិច្ចប្រជុំផ្សព្វផ្សាយសេចក្ដីណែនាំ ស្តីពីការជំរុញផ្តល់ឯកសារបញ្ជាក់អត្តសញ្ញាណជូនប្រជាពលរដ្ឋខ្មែរដែលទើបវិលត្រលប់មកពីប្រទេសថៃ និងប្រជាពលរដ្ឋខ្មែរដែលពុំទាន់មានឯកសារគ្រប់គ្រាន់។
ទីស្ដីការក្រសួងមហាផ្ទៃ៖ នៅព្រឹកថ្ងៃសុក្រ ៦កើត ខែភទ្របទ ឆ្នាំម្សាញ់ សប្ដស័ក ព.ស.២៥៦៩ ត្រូវនឹងថ្ងៃទី២៩ ខែសីហា ឆ្នាំ២០២៥ ឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញជាអធិបតីក្នុងកិច្ចប្រជុំផ្សព្វផ្សាយសេចក្ដីណែនាំ ស្តីពីការជំរុញផ្តល់ឯកសារបញ្ជាក់អត្តសញ្ញាណជូនប្រជាពលរដ្ឋខ្មែរដែលទើបវិលត្រលប់មកពីប្រទេសថៃ និងប្រជាពលរដ្ឋខ្មែរដែលពុំទាន់មានឯកសារគ្រប់គ្រាន់ ជាមួយរដ្ឋបាលថ្នាក់ក្រោមជាតិ។
ក្នុងកិច្ចប្រជុំនេះ ក៏មានការអញ្ជើញចូលរួមពី ឯកឧត្តម លោកជំទាវ អគ្គនាយករង ឯកឧត្តម លោកជំទាវអភិបាលរងរាជធានី/ខេត្ត លោក លោកស្រីនាយក នាយករងរដ្ឋបាលរាជធានី/ខេត្ត លោក លោកស្រី ប្រធានការិយាល័យស្ថិតិអត្រានុកូលដ្ឋាន រាជធានី/ខេត្ត លោកស្នងការរងនគរបាលរាជធានី/ខេត្ត ទទួលបន្ទុកការងារអត្តសញ្ញាណកម្ម លោក លោកស្រីនាយការិយាល័យអត្តសញ្ញាណបណ្ណសញ្ជាតិខ្មែរ និងគ្រប់គ្រងការស្នាក់នៅ លោក លោកស្រីអភិបាល អភិបាលរងក្រុង ស្រុក ខណ្ឌ អធិការរងនគរបាល ក្រុង ស្រុក ខណ្ឌ ទទួលបន្ទុកការងារអត្តសញ្ញាណកម្ម មេឃុំ ចៅសង្កាត់ និងនាយប៉ុស្តិ៍នគរបាលរដ្ឋបាល ឃុំ សង្កាត់ ស្មៀនឃុំ សង្កាត់ និងជំនួយការរដ្ឋបាលឃុំ សង្កាត់ នៅបន្ទប់ប្រជុំរាជធានីភ្នំពេញ ទីស្ដីការក្រសួងមហាផ្ទៃ ដោយផ្ទាល់ និងតាមរយៈប្រព័ន្ធវីដេអូ Zoom ដែលមានសមាសភាពចូលរួមសរុប ៥,៩៧២នាក់។
ជាកិច្ចចាប់ផ្តើម ឯកឧត្តម ឧត្តមសេនីយ៍ឯក បណ្ឌិត អគ្គនាយក មានប្រសាសន៍ ក្រោមការដឹកនាំដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងប្រសាសន៍ណែនាំដ៏ខ្ពង់ខ្ពស់របស់ ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ អគ្គនាយកដ្ឋានអត្តសញ្ញាណកម្ម ក្រសួងមហាផ្ទៃ បានរៀបចំកិច្ចប្រជុំផ្សព្វផ្សាយសេចក្តីណែនាំនេះ គឺជំរុញដល់រដ្ឋបាលថ្នាក់ក្រោមជាតិផ្តល់ឯកសារបញ្ជាក់អត្តសញ្ញាណជូនប្រជាពលរដ្ឋខ្មែរដែលទើបវិលត្រលប់មកពីប្រទេសថៃ និងប្រជាពលរដ្ឋខ្មែរដែលពុំទាន់មានឯកសារគ្រប់គ្រាន់។
ជាកិច្ចបន្ទាប់ ឯកឧត្តម ឧត្តមសេនីយ៍ឯក សាយ ម៉េងឈាង អគ្គនាយករង នៃអគ្គនាយកដ្ឋានអត្តសញ្ញាណកម្ម ឡើងអានសេចក្តីណែនាំ ស្តីពីការជំរុញផ្តល់ឯកសារបញ្ជាក់អត្តសញ្ញាណជូនប្រជាពលរដ្ឋខ្មែរដែលទើបវិលត្រលប់មកពីប្រទេសថៃ និងប្រជាពលរដ្ឋខ្មែរដែលពុំទាន់មានឯកសារគ្រប់គ្រាន់។
ជាកិច្ចបញ្ចប់ ឯកឧត្តម ឧត្តមសេនីយ៍ឯក បណ្ឌិត អគ្គនាយក បានបូកសរុបមតិ និងឆ្លើយតបសំណួររបស់អង្គប្រជុំ ព្រមទាំងជំរុញឱ្យមន្រ្តីជំនាញដែលពាក់ព័ន្ធទាំងអស់ត្រូវប្រឹងប្រែងផ្ដល់ឯកសារជូនដល់ប្រជាពលរដ្ឋខ្មែរដែលទើបវិលត្រឡប់មកពីប្រទសថៃ ពុំទាន់មានឯកសារបញ្ជាក់អត្តសញ្ញាណប្រើប្រាស់នៅឡើយ (ដូចជាសំបុត្រកំណើត សៀវភៅស្នាក់នៅ និងអត្តសញ្ញាណបណ្ណសញ្ជាតិខ្មែរជាដើម) និងមួយចំនួនមានឯកសាអត្តសញ្ញាណបាត់បង់ ខូចខាត ឬអស់សុពលភាព ឬមិនមានឯកសារគ្រប់គ្រាន់ ត្រូវជំរុញផ្តល់ឯកសារអត្តសញ្ញាណតាមរយៈក្រុមការងារកំណត់អត្តសញ្ញាណ ឃុំ សង្កាត់ ជូនប្រជាពលរដ្ឋខ្មែរ ដើម្បីមានភាពងាយស្រួលក្នុងការស្នើសុំប្រើប្រាស់សេវារដ្ឋបាលផ្សេងៗទៀត តាមតម្រូវការចាំបាច់ក្នុងជីវភាពរស់នៅប្រចាំថ្ងៃ។
👉ឆាណែលTelegram អគ្គនាយកដ្ឋានអត្តសញ្ញាណកម្ម⏬️
-ដើម្បីសាកសួរព័ត៌មាន រៀងរាល់ម៉ោងធ្វើការ ដោយឥតគិតថ្លៃ☎️1271 ឬ017 898 915

អត្ថបទផ្សេងៗ

ឯកឧត្តម ឧត្តមសេនីយ៍ទោ ហេង ចំរើន អញ្ជើញដឹកនាំកិច្ចប្រជុំពិភាក្សាជាមួយ លោកស្រី Carolyn Fiorey តំណាងធនាគារអភិវឌ្ឍន៍អាស៊ី (Cambodia Resident Mission, ADB)

ឯកឧត្តម ឧត្តមសេនីយ៍ទោ ហេង ចំរើន អញ្ជើញដឹកនាំកិច្ចប្រជុំពិភាក្សាជាមួយ លោកស្រី Carolyn Fiorey តំណាងធនាគារអភិវឌ្ឍន៍អាស៊ី (Cambodia Resident Mission, AD...

២១ កញ្ញា ២០២៥

ឯកឧត្តម ឧត្តមសេនីយ៍ឯក អ៊ុកចាយ បញ្ញារ៉ា អគ្គនាយករង នៃអគ្គនាយកដ្ឋានអត្តសញ្ញាណកម្ម និងជាប្រធានក្រុមការងារអន្តរក្រសួងក្នុងការងារសាកល្បងការចុះបញ្ជីអត្រានុកូលដ្ឋាន តាមរយៈការជូនដំណឹងពីមូលដ្ឋានសុខាភិបាលដោយប្រើប្រាស់បច្ចេកវិទ្យាឌីជីថល បានអញ្ជើញដឹកនាំកិច្ចប្រជុំពិភាក្សា រវាងក្រុមការងារអន្តរក្រសួងជាមួយរដ្ឋបាលសាលារាជធានីភ្នំពេញ និងអ្នកពាក់ព័ន្ធដើម្បីអនុវត្តសាកល្បងនូវការចុះបញ្ជីអត្រានុកូលដ្ឋានតាមរយៈការជូនដំណឹងពីមូលដ្ឋានសុខាភិបាលដោយប្រើប្រាស់បច្ចេកវិទ្យាឌីជីថល នៅសង្កាត់ទាំង០៦ នៃខណ្ឌពោធិ៍សែនជ័យ រាជធានីភ្នំពេញ

ឯកឧត្តម ឧត្តមសេនីយ៍ឯក អ៊ុកចាយ បញ្ញារ៉ា អគ្គនាយករង នៃអគ្គនាយកដ្ឋានអត្តសញ្ញាណកម្ម និងជាប្រធានក្រុមការងារអន្តរក្រសួងក្នុងការងារសាកល្បងការចុះបញ្ជីអត្រានុ...

២៨ កញ្ញា ២០២៣

កិច្ចប្រជុំពិភាក្សាលើកិច្ចការពាក់ព័ន្ធនឹងទិន្នន័យទីតាំងភូមិសាស្រ្ត និងទិន្នន័យលម្ហ

ទីស្ដីការក្រសួងមហាផ្ទៃ៖ នារសៀលថ្ងៃពុធ ៦រោច ខែស្រាពណ៍ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២១ ខែសីហា ឆ្នាំ២០១៩ ឯកឧត្តម ឧត្តមសេនីយ៍ឯក សាយ ម៉េងឈាង អ...

២១ សីហា ២០១៩

ក្រុមការងារចុះបើកប្រអប់សំបុត្រទទួលមតិ សំណូមពរប្រជាពលរដ្ឋ និងផ្សព្វផ្សាយកម្មវិធីសេវាកម្មអត្តសញ្ញាណកម្ម (GDI eServices) ព្រមទាំងលេខទូរស័ព្ទប្រចាំការរបស់ក្រុមការងារសេវាកម្មអត្តសញ្ញាណកម្ម ជូនដល់មន្ត្រីបម្រើសេវា និងប្រជាពលរដ្ឋ

រាជធានីភ្នំពេញ៖ បន្តអនុវត្តតាមគោលការណ៍ដឹកនាំរបស់ ឯកឧត្តម នាយឧត្តមសេនីយ៍ កង សុខន អគ្គនាយក នៃអគ្គនាយកដ្ឋានអត្តសញ្ញាណកម្ម នៅថ្ងៃព្រហស្បតិ៍ ទី១៣ ខែកុម្...

១៣ កុម្ភៈ ២០២០

អគ្គនាយក

អត្ថបទថ្មីៗ

តួនាទីភារកិច្ចអគ្គនាយកដ្ឋាន

អត្ថបទពេញនិយម