អគ្គនាយកដ្ឋានអត្តសញ្ញាណកម្ម៖ នៅថ្ងៃសុក្រ ៥រោច ខែភទ្របទ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី១២ ខែកញ្ញា ឆ្នាំ២០២៥ សកម្មភាពប្រជាពលរដ្ឋ អញ្ជើញមកស្នើសុំសេវាលិខិតបញ្ជាក់អត្តសញ្ញាណបុគ្គល និងលិខិតបញ្ជាក់ភាពត្រឹមត្រូវ

លិខិតបញ្ជាក់អត្តសញ្ញាណបុគ្គល អាចប្រើជំនួសអត្តសញ្ញាណបណ្ណសញ្ជាតិខ្មែរបាន ក្នុងករណីបាត់អត្តសញ្ញាណបណ្ណសញ្ជាតិខ្មែរ ឬអស់សុពលភាព ដោយមានភ្ជាប់លេខកូដសម្គាល់អត្តសញ្ញាណបុគ្គល (UIC) ព្រមទាំងអាចប្រើប្រាស់ក្នុងគោលបំណងផ្សេងៗដូចជា៖

-ការចុះឈ្មោះចូលរៀន

-ការបំពេញបែបបទបទចូលបម្រើការងារ

-ការចុះបញ្ជីយានយន្ត

-ការបើកគណនីធនាគារ

-ការចុះបញ្ជីពាណិជ្ជកម្ម

-ការចុះកិច្ចសន្យា

-ការប្រើប្រាស់សេវារដ្ឋបាលផ្សេងៗទៀត លើកលែងតែមានប្បញ្ញត្តិដោយឡែក។

លិខិតបញ្ជាក់អំពីភាពត្រឹមត្រូវនៃទិន្នន័យអត្តសញ្ញាណបុគ្គល អាចប្រើប្រាស់ក្នុងករណីមានតម្រូវការប្រើប្រាស់ក្នុងកិច្ចការសំខាន់ៗ ដែលមានបន្ថែមនូវស្នាមខ្ចៅដៃ និងគំរូហត្ថលេខា អាចប្រើប្រាស់ក្នុងគោលបំណងមួយចំនួនៗដូចជា៖

-សំណុំរឿងរដ្ឋប្បវេណី ឬព្រហ្មទណ្ឌនៅតុលាការ

-ការផ្ទេរមរតក

-ការចុះកិច្ចសន្យាទិញ លក់ ឬផ្ទេរកម្មសិទ្ធិលើចលនវត្ថុ ឬយានយន្ត

-ការបញ្ចាំអចលនវត្ថុ ឬយានយន្ត

-ឬសេវារដ្ឋបាលផ្សេងទៀតដែលមានតម្រូវការចាំបាច់ ក្នុងការផ្ទៀងផ្ទាត់ស្នាមខ្ចៅដៃ ឬគំរូហត្ថលេខា លើកលែងតែមានប្បញ្ញតិដោយឡែក។

លោកអ្នកអាចស្នើសុំសេវាលិខិតបញ្ជាក់អត្តសញ្ញាណបុគ្គល និងលិខិតបញ្ជាក់ភាពត្រឹមត្រូវ នៃទិន្នន័យអត្តសញ្ញាណបុគ្គល នៅអគ្គនាយកដ្ឋានអត្តសញ្ញាណកម្ម ដែលមានទីតាំងស្ថិតតាមបណ្តោយផ្លូវជាតិលេខ១ ភូមិបឹងឈូក សង្កាត់និរោធ ខណ្ឌច្បារអំពៅ រាជធានីភ្នំពេញ (ទល់មុខបុរី ប៉េង ហួត បឹងស្នោរ)។

ឯកសារភ្ជាប់សម្រាប់ស្នើសុំ៖

- អត្តសញ្ញាណបណ្ណសញ្ជាតិខ្មែរ ឬ

- លិខិតឆ្លងដែន ឬ

- ឯកសារផ្សេងទៀត ដែលបញ្ជាក់អំពីអត្តសញ្ញាណរបស់សាមីខ្លួន។ សម្រាប់ព័ត៌មានបន្ថែម សូមទំនាក់ទំនងទូរសព្ទ ០១៦ ៨៣១ ៨៥៩ រៀងរាល់ម៉ោងធ្វើការ។ សូមអរគុណ

ឆាណែលTelegram អគ្គនាយកដ្ឋានអត្តសញ្ញាណកម្ម

-Join Telegram

https://t.me/GDI_service_news

-Website

http://www.gdi.gov.kh/

-ដើម្បីសាកសួរព័ត៌មាន រៀងរាល់ម៉ោងធ្វើការ ដោយឥតគិតថ្លៃ

1271 ឬ017 898 915

អគ្គនាយកដ្ឋានអត្តសញ្ញាណកម្ម ៖ នៅថ្ងៃពុធ ១រោច ខែផល្គុន ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី៤ ខែមីនា ឆ្នាំ២០២៦ ក្រុមការងារត្រួតពិនិត្យ និងស្រាវជ្រាវលើករណីឯកសារអត្តសញ្ញាណមិនប្រក្រតី នៃអគ្គនាយកដ្ឋានអត្តសញ្ញាណកម្ម បាន

អគ្គនាយកដ្ឋានអត្តសញ្ញាណកម្ម ៖ នៅថ្ងៃពុធ ១រោច ខែផល្គុន ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី៤ ខែមីនា ឆ្នាំ២០២៦ ក្រុមការងារត្រួតពិនិត្យ និងស្រា...

០៥ មីនា ២០២៦

សិក្ខាសាលាផ្សព្វផ្សាយផែនការយុទ្ធសាស្រ្តជាតិ ស្ដីពី ពិការភាព ឆ្នាំ២០១៩-២០២៣ និងបទដ្ឋានបច្ចេកទេសហេដ្ឋារចនាសម្ព័ន្ធរូបវន្តបង្កលក្ខណៈងាយស្រួលសម្រាប់ជនមានពិការភាព

ទីស្តីការក្រសួងមហាផ្ទៃ៖ នៅព្រឹកថ្ងៃពុធ ១២រោច ខែអស្សុជ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១៤ ខែតុលា ឆ្នាំ២០២០ ឯកឧត្តម ឧត្តមសេនីយ៍ឯក សាយ ម៉េងឈាង អគ្...

១៣ តុលា ២០២០