រាជធានីភ្នំពេញ៖ នៅរសៀលថ្ងៃសុក្រ ១២រោច ខែភទ្របទ ឆ្នាំម្សាញ់ សប្ដស័ក ព.ស.២៥៦៩ ត្រូវនឹងថ្ងៃទី១៩ ខែកញ្ញា ឆ្នាំ២០២៥ ឯកឧត្តម អេង ច័ន្ទតារា អគ្គនាយករង និងជាប្រធាននាយកដ្ឋានអត្រានុកូលដ្ឋាន តំណាងដ៏ខ្ពង់ខ្ពស់ឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញជាអធិបតីភាពក្នុងពិធីបិទវគ្គបណ្តុះបណ្តាលសាកល្បងស្តីពីការចុះបញ្ជីអត្រានុកូលដ្ឋានតាមប្រព័ន្ធបច្ចេកវិទ្យាគមនាគមន៍ និងព័តមាន ប្រពឹត្តទៅក្នុងរយៈពេល៣ថ្ងៃ ចាប់ពីថ្ងៃទី១៧ ដល់ទី១៩ ខែកញ្ញា ឆ្នាំ២០២៥ នៅសណ្ឋាគារកាំបូឌីយ៉ាណា រាជធានីភ្នំពេញ ដែលរៀបចំឡើងដោយអគ្គនាយកដ្ឋានអត្តសញ្ញាណកម្ម សហការជាមួយអង្គការVital strategies ។

ពិធីបិទវគ្គបណ្តុះបណ្តាលនេះ មានសមាសភាពចូលរួមពី លោក លោកស្រីអនុប្រធាននាយកដ្ឋាន ប្រធានការិយាល័យ នាយការិយាល័យ អនុប្រធានការិយាល័យ នាយរងការិយាល័យចំណុះអគ្គនាយកដ្ឋានអត្តសញ្ញាណកម្ម លោក លោកស្រីប្រធានការិយាល័យ និងអនុប្រធានការិយាល័យរដ្ឋបាល និងបុគ្គលិកខណ្ឌច្បារអំពៅ និងខណ្ឌពោធិ៍សែនជ័យ លោកលោកស្រីចៅសង្កាត់ ស្មៀន និងជំនួយការរដ្ឋបាលសង្កាត់ចំនួន៥ ចំណុះខណ្ឌច្បារអំពៅ និងខណ្ឌពោធិ៍សែនជ័យ តំណាងអង្គការ Vital Strategies តំណាងអង្គការ UNFPA និងទីប្រឹក្សា សរុបចំនួន៤៦នាក់។

ឆាណែលTelegram អគ្គនាយកដ្ឋានអត្តសញ្ញាណកម្ម

-Join Telegram https://t.me/GDI_service_news

-Website http://www.gdi.gov.kh/

-ដើម្បីសាកសួរព័ត៌មាន រៀងរាល់ម៉ោងធ្វើការ ដោយឥតគិតថ្លៃ1271 ឬ017 898 915