យោងតាមអនុសាសន៍ណែនាំដ៏ខ្ពង់ខ្ពស់របស់ លោកជំទាវ កែ សួនសុភី ស សុខា នៅព្រឹកថ្ងៃអង្គារ ៨កើត ខែអស្សុជ ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី៣០ ខែកញ្ញា ឆ្នាំ២០២៥ លោកជំទាវ ថាំ វ៉ាន់នីកា តុប នេត សមាជិកាកិត្តិយស នៃគណៈកម្មាការសាខាសមាគមនារី ក្រសួងមហាផ្ទៃ អមដំណើរដោយ លោកជំទាវ ឧត្តមសេនីយ៍ឯក លឹម រស្មី អគ្គនាយករង និងជាប្រធានក្រុមការងារយេនឌ័រ នៃអគ្គនាយកដ្ឋានអត្តសញ្ញាណកម្ម ព្រមទាំងសមាជិកា បានអញ្ជើញចុះសួរសុខទុក្ខលោកស្រី អនុសេនីយ៍ឯក ចឹក ពៅធីតា នាយរងផ្នែក ការិយាល័យភស្ដុភារ និងគណនេយ្យ ចំណុះនាយកដ្ឋានអត្តសញ្ញាណបណ្ណសញ្ជាតិខ្មែរ នៃអគ្គនាយកដ្ឋានអត្តសញ្ញាណកម្ម ដែលបានសម្រាលបានកូនស្រី នៅគេហដ្ឋាន និងបាននាំយកថវិកា ដែលផ្តល់ដោយឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក មានកាដូរ កន្ត្រកផ្លែឈើ និងថវិកា ដែលជាទឹកចិត្តរបស់ឯកឧត្តម ឧត្តមសេនីយ៏ឯក បណ្ឌិត អគ្គនាយក ព្រមទាំងលោកជំទាវ ឧត្តមសេនីយ៏ឯក អគ្គនាយករង និងលោកប្រធាននាយកដ្ឋានអត្តសញ្ញាណបណ្ណសញ្ជាតិខ្មែរផងដែរ។