អគ្គនាយកដ្ឋានអត្តសញ្ញាណកម្ម៖ នៅព្រឹកថ្ងៃព្រហស្បតិ៍ ៨រោច ខែកត្តិក ឆ្នាំម្សាញ់ សប្ដស័ក ព.ស. ២៥៦៩ ត្រូវនឹងថ្ងៃទី១៣ ខែវិច្ឆិកា ឆ្នាំ២០២៥ ឯកឧត្តម ឧត្តមសេនីយ៍ឯក វុធ ផល្លី អគ្គនាយករង តំណាងឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញជាអធិបតីភាព ក្នុងពិធីប្រកាសសេចក្តីសម្រេចស្តីពីការប្រគល់ភារកិច្ចជូនអគ្គនាយករងទទួលជួយការងារនាយកដ្ឋានលិខិតឆ្លងដែន នៅសាលប្រជុំនាយកដ្ឋានលិខិតឆ្លងដែន។

ក្នុងពិធីនេះ ក៏មានការអញ្ជើញចូលរួមពីសំណាក់ ឯកឧត្តម លោកជំទាវ អគ្គនាយករង លោកប្រធាននាយកដ្ឋានរដ្ឋបាល សរុប លោកប្រធាននាយកដ្ឋានលិខិតឆ្លងដែន លោក លោកស្រីអនុប្រធាននាយកដ្ឋាន លោកប្រធាន អនុប្រធានទីស្នាក់ការផ្តល់សេវាលិខិតឆ្លងដែន លោកនាយការិយាល័យបុគ្គលិក និងបណ្ដុះបណ្ដាល ចំណុះនាយកដ្ឋានរដ្ឋបាល សរុប លោក លោកស្រីនាយការិយាល័យ ចំណុះនាយកដ្ឋានលិខិតឆ្លងដែន នៃអគ្គនាយកដ្ឋានអត្តសញ្ញាណកម្មផងដែរ។

ឆាណែលTelegram អគ្គនាយកដ្ឋានអត្តសញ្ញាណកម្ម

-Join Telegram https://t.me/GDI_service_news

-Website http://www.gdi.gov.kh/

-ដើម្បីសាកសួរព័ត៌មាន រៀងរាល់ម៉ោងធ្វើការ ដោយឥតគិតថ្លៃ1271 ឬ017 898 915