អគ្គនាយកដ្ឋានអត្តសញ្ញាណកម្ម សូមជម្រាបដល់បងប្អូនប្រជាពលរដ្ឋ និងសាធារណៈមតិឱ្យបានជ្រាបថា យោងលើអង្គហេតុនិងភស្តុតាងមួយចំនួនដែលទទួលបាន ក្រសួងមហាផ្ទៃបានសម្រេចផ្អាកការងារបណ្តោះអាសន្នចំពោះលោក ឧត្តមសេនីយ៍ទោ គង់ វុទ្ធី អគ្គនាយករង អគ្គនាយកដ្ឋានអត្តសញ្ញាណកម្ម ដើម្បីបន្តដំណើរការស្រាវជ្រាវបន្ថែម។ អគ្គនាយកដ្ឋានអត្តសញ្ញាណកម្ម បន្តសហការជាមួយបុគ្គលឬជនរងគ្រោះ និងអង្គភាពពាក់ព័ន្ធដើម្បីស្រាវជ្រាវ ស៊ើបបញ្ជាក់បន្ថែម និងផ្ទៀងផ្ទាត់លើឯកសារភស្តុតាងមួយចំនួនទៀត។

ដូចបានបញ្ជាក់ជូនបងប្អូនប្រជាពលរដ្ឋ និងសាធារណៈមតិកាលពីថ្ងៃទី២៨ ខែតុលា ឆ្នាំ២០២៥ ក្នុងករណីរកឃើញថាមន្ត្រី ឬថ្នាក់ដឹកនាំណាម្នាក់បានប្រព្រឹត្តកំហុសផ្ទុយនឹងវិន័យរបស់កម្លាំងនគរបាលជាតិ អគ្គនាយកដ្ឋានអត្តសញ្ញាណកម្មនឹងស្នើសុំចាត់វិធានការអនុវត្តវិន័យលើបុគ្គលរូបនោះយ៉ាងម៉ឺងម៉ាត់ ដោយមិនមានការលើកលែងឡើយ។

សូមអរគុណ