ទីស្ដីការក្រសួងមហាផ្ទៃ៖ នៅថ្ងៃសុក្រ ៧រោច ខែមិគសិរ ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី១២ ខែធ្នូ ឆ្នាំ២០២៥ ឯកឧត្តម ឧត្ដមសេនីយ៍ឯក តាត និមល អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមកិច្ចប្រជុំបន្តពិនិត្យ និងផ្ដល់យោបល់លើសេចក្ដីព្រាងច្បាប់ថ្មីស្ដីពីអន្ដោប្រវេសន៍ នៃព្រះរាជាណាចក្រកម្ពុជា ក្រោមអធិបតីភាព ឯកឧត្តម ប៊ុន ហុន រដ្ឋលេខាធិការ ក្រសួងមហាផ្ទៃ និងឯកឧត្តម សន្ដិបណ្ឌិត គៀត ច័ន្ទថារិទ្ធ រដ្ឋលេខាធិការ ក្រសួងមហាផ្ទៃ។

ក្នុងកិច្ចប្រជុំបន្តនេះ ក៏មានការអញ្ជើញចូលរួមពី ឯកឧត្ដម អនុរដ្ឋលេខាធិការ ឯកឧត្ដម អគ្គនាយក ឯកឧត្ដម ប្រធានក្រុមប្រឹក្សានីតិកម្ម ឯកឧត្ដម អគ្គនាយករង លោក ប្រធាន អនុប្រធាននាយកដ្ឋាន និងក្រុមការងារពាក់ព័ន្ធផងដែរ។