ខេត្តសៀមរាប និងខេត្តបន្ទាយមានជ័យ៖ នៅថ្ងៃព្រហស្បតិ៍ ៦កើត ខែបុស្ស ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី២៥ ខែធ្នូ ឆ្នាំ២០២៥ ឯកឧត្តម ឧត្តមសេនីយ៍ឯក មាស ស៊ីផាន អគ្គនាយករង តំណាង ឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញចុះចែកអំណោយរបស់សប្បុរសជន ជាមួយក្រុមការងារអចិន្ត្រៃយ៍ ដល់រដ្ឋបាលខេត្តសៀមរាប និងខេត្តបន្ទាយមានជ័យ ដឹកនាំដោយ ឯកឧត្ដម អ៊ូច ភា រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។

ពិធីចែកអំណោយនេះ បានប្រារព្វធ្វើនៅសាលាខេត្តសៀមរាប ដោយមានការចូលរួមពីតំណាង រដ្ឋបាលខេត្តសៀមរាប លោក សំកុល សុចិត្រា អភិបាលរងខេត្ត និងតំណាងរដ្ឋបាលខេត្តបន្ទាយមានជ័យ លោក ឃ្លោក នួយ អភិបាលរងខេត្ត ព្រមទាំងក្រុមការងារផងដែរ។