ទីស្ដីការក្រសួងមហាផ្ទៃ៖ នៅថ្ងៃសុក្រ ៥កើត ខែមាឃ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២៣ ខែមករា ឆ្នាំ២០២៦ ឯកឧត្តម ឧត្តមសេនីយ៍ឯក តាត និមល អគ្គនាយករង តំណាង ឯកឧត្ដម ឧត្ដមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមក្នុងពិធីសិក្ខាសាលាផ្សព្វផ្សាយអនុក្រឹត្យស្ដីពីការគ្រប់គ្រងសន្តិសុខសុវត្ថិភាពតាមទីតាំងរស់នៅប្រមូលផ្ដុំ ក្រោមអធិបតីភាព ឯកឧត្តម ប៊ុន ហុន រដ្ឋលេខាធិការ ក្រសួងមហាផ្ទៃ តំណាងដ៏ខ្ពង់ខ្ពស់របស់ឯកឧត្ដមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នៅទីស្ដីការក្រសួងមហាផ្ទៃ។

ក្នុងពិធីនេះ មានអញ្ជើញចូលរួម ឯកឧត្ដម អនុរដ្ឋលេខាធិការ ឯកឧត្ដម អគ្គស្នងការរងនគរបាលជាតិ ឯកឧត្ដម អគ្គនាយករង តំណាងអគ្គនាយកដ្ឋានចំណុះក្រសួងមហាផ្ទៃ ឯកឧត្ដម តំណាងក្រុមប្រឹក្សានីតិកម្ម ឯកឧត្ដម តំណាងស្ថាប័នចំណុះក្រសួងមហាផ្ទៃ ឯកឧត្ដម លោកជំទាវ អភិបាលរង នៃគណៈអភិបាលរាជធានី ខេត្ត លោកស្នងការ ស្នងការរងនគរបាលរាជធានី ខេត្ត លោកអធិការ អធិការរងនគរបាលក្រុង ស្រុក ខណ្ឌ និងមន្ត្រីពាក់ព័ន្ធមួយចំនួន នៃក្រសួងមហាផ្ទៃ ព្រមទាំងតំណាងម្ចាស់បុរី និងខុនដូ នៃវិស័យឯកជន សរុប ៣៧០រូប។