ស្រុកស៊ីធរកណ្តាល ខេត្តព្រៃវែង៖ នៅថ្ងៃពុធ ១៣រោច ខែស្រាពណ៍ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២៨ ខែសីហា ឆ្នាំ២០១៩ ឯកឧត្តម នាយឧត្តមសេនីយ៍ កង សុខន អគ្គនាយក នៃអគ្គនាយកដ្ឋានអត្តសញ្ញាណកម្ម និងជាប្រធានក្រុមការងារថ្នាក់ជាតិចុះមូលដ្ឋានស្រុកស៊ីធរកណ្តាល បានអញ្ជើញចូលរួមក្នុងកិច្ចប្រជុំពិភាក្សា ស្ដីពី ការឆ្លងរបាយការណ៍ ០៣ខែ លើកទី១ របស់ក្រុមការងារថ្នាក់ជាតិចុះជួយមូលដ្ឋាន ស្រុកស៊ីធរកណ្តាល។ អញ្ជើញចូលរួមក្នុងពិធីនេះដែររួមមាន ឯកឧត្តម លោកជំទាវ អនុប្រធានក្រុមការងារស្រុក និងជាប្រធាន អនុប្រធានក្រុមការងារថ្នាក់ជាតិចុះមូលដ្ឋានឃុំទាំង១១ លោកប្រធានក្រុមប្រឹក្សាស្រុក អភិបាល អភិបាលរងស្រុក លោកប្រធានការិយាល័យអប់រំ ការិយាល័យសុខាភិបាលស្រុកប្រតិបត្តិ ការិយាល័យភូមិបាល ការិយាល័យកសិកម្ម ការិយាល័យធនធានទឹក និង មន្ត្រីពាក់ព័ន្ធមួយចំនួនទៀត៕