អគ្គនាយកដ្ឋានអត្តសញ្ញាណកម្ម៖ នៅរសៀលថ្ងៃព្រហស្បតិ៍ ១១កើត ខែមាឃ ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី២៩ ខែមករា ឆ្នាំ២០២៦ ឯកឧត្តម ឧត្តមសេនីយ៍ឯក អ៊ុកចាយ បញ្ញារ៉ា អគ្គនាយករង នៃអគ្គនាយកដ្ឋានអត្តសញ្ញាណកម្ម និងជាប្រធានក្រុមការងារតាមដាន ត្រួតពិនិត្យ និងវាយតម្លៃ បានអញ្ជើញជាអធិបតីក្នុងពិធីបិទវគ្គបណ្តុះបណ្តាលចែករំលែកចំណេះដឹងមូលដ្ឋានស្ដីពី “ការតាមដាន ត្រួតពិនិត្យ និងវាយតម្លៃ” (វគ្គ២) នៅអគ្គនាយកដ្ឋានអត្តសញ្ញាណកម្ម។ វគ្គបណ្តុះបណ្តាលនេះមានរយៈពេល២ថ្ងៃ ដោយមានការអញ្ជើញចូលរួមពី លោក ញឹម ដាឡែន ជាគ្រូឧទ្ទេស។

ក្នុងពិធីបិទវគ្គបណ្ដុះបណ្ដាលនេះ ក៏មានការអញ្ជើញចូលរួមពីសំណាក់ លោក លោកស្រីដែលជាសមាជិកក្រុមការងារតាមដាន ត្រួតពិនិត្យ និងវាយតម្លៃទាំងអស់ ចំណុះនាយកដ្ឋានពាក់ព័ន្ធ នៃអគ្គនាយកដ្ឋានអត្តសញ្ញាណកម្ម។