ខេត្តកំពង់ចាម៖ នាថ្ងៃពុធ ១រោច ខែផល្គុន ឆ្នាំម្សាញ់ សប្ដស័ក ព.ស ២៥៦៩ ត្រូវនឹងថ្ងៃទី៤ ខែមីនា ឆ្នាំ២០២៦ ឯកឧត្តម ស្រី សុភ័ក្រ្ត អភិបាលរង នៃគណៈអភិបាលខេត្តកំពង់ចាម និងលោក យឹម សំអុល អនុប្រធាននាយកដ្ឋានអត្រានុកូលដ្ឋាន នៃអគ្គនាយកដ្ឋានអត្តសញ្ញាណកម្ម បានអញ្ជើញជាសហអធិបតី ក្នុងពិធីបើកវគ្គបណ្តុះបណ្តាល តម្រង់ទិសការអនុវត្តការងារអត្រានុកូលដ្ឋានស្របតាមច្បាប់ ស្តីពីអត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម។

ពិធីបើកវគ្គនេះ ក៏មានការអញ្ជើញចូលរួមពី តំណាងសាលាដំបូងខេត្ត តំណាងមន្ទីរអប់រំ យុវជននិងកីឡា តំណាងមន្ទីរសុខាភិបាល លោកនាយករដ្ឋបាលសាលាខេត្ត ស្នងការរងនគរបាលខេត្ត នាយករងទីចាត់ការ ប្រធានការិយាល័យស្ថិតិនិងអត្រានុកូលដ្ឋានខេត្ត អភិបាល អភិបាលរងក្រុង ស្រុក មន្រ្តីទទួលការងារអត្រានុកូលដ្ឋានក្រុង ស្រុក លោកអធិការរងនគរបាលក្រុង ស្រុក ក្រុមប្រឹក្សាឃុំសង្កាត់ មេឃុំ ចៅសង្កាត់ ស្មៀនឃុំ សង្កាត់ លោកនាយប៉ុស្តិ៍នគរបាលរដ្ឋបាល ជំនួយការរដ្ឋបាលឃុំ សង្កាត់ និងមន្រ្តីរាជការពាក់ព័ន្ធ សរុបចំនួន៣៩៩នាក់ ស្រី១៣៧នាក់។