ខេត្តកំពង់ស្ពឺ៖ នៅថ្ងៃសុក្រ ៣រោច ខែផល្គុន ឆ្នាំម្សាញ់ សប្ដស័ក ព.ស. ២៥៦៩ ត្រូវនឹងថ្ងៃទី៦ ខែមីនា ឆ្នាំ២០២៦ ឯកឧត្តម ឧត្តមសេនីយ៍ឯក អ៊ុកចាយ បញ្ញារ៉ា អគ្គនាយករង នៃអគ្គនាយកដ្ឋានអត្តសញ្ញាណកម្ម និងជាអនុប្រធាន អនុគណៈកម្មាធិការទទួលបន្ទុកបរិវត្តកម្មឌីជីថលក្នុងប្រព័ន្ធគាំពារសង្គម បានអញ្ជើញចូលរួមជាអធិបតីភាពរួមជាមួយ ឯកឧត្តម យោគ សាមឌី អគ្គលេខាធិការរង នៃអគ្គលេខាធិការដ្ឋានក្រុមប្រឹក្សាជាតិគាំពារសង្គម តំណាងឯកឧត្តម បណ្ឌិត ចន ណារិទ្ធ រដ្ឋ​លេខាធិការ​ក្រសួងសេដ្ឋកិច្ច និង​ហិរញ្ញវត្ថុ អគ្គលេខាធិក្រុមប្រឹក្សាជាតិគាំពារសង្គម និងជាប្រធានអ.ប.ប. ក្នុងពិធីប្រគល់ទទួលសម្ភារឌីជីថលសម្រាប់ចុះបញ្ជីគាំពារសង្គម តាមថ្នាលឌីជីថលគាំពារសង្គមកម្ពុជា នៅសាលធំសាលាខេត្តកំពង់ស្ពឺ។

ពិធីនេះ ក៏មានការអញ្ជើញចូលរួមពីសំណាក់ឯកឧត្តម ហន ភក្ដី អភិបាលរង តំណាងឯកឧត្តមបណ្ឌិត ជាម ច័ន្ទសោភណ្ឌ អភិបាល នៃគណៈអភិបាលខេត្តកំពង់ស្ពឺ តំណាងក្រសួងស្ថាប័នពាក់ព័ន្ធ តំណាងអង្គការ GIZ នៅកម្ពុជា និងឯកឧត្តម លោកជំទាវ លោក លោកស្រី នាយក នាយករង រដ្ឋបាលសាលាខេត្ត ប្រធាន អនុប្រធាន មន្ទីរអង្គភាពពាក់ព័ន្ធជុំវិញខេត្ត អភិបាល អភិបាលរង ក្រុង ស្រុក កងកម្លាំងទាំង៣ស្ថាប័ន សាខាមូលនិធិជាតិជំនួយសង្គម មេឃុំ ចៅសង្កាត់ និងមន្រ្តីអនុវត្តកម្មវិធីនៅឃុំ សង្កាត់ផងដែរ។