រាជធានីភ្នំពេញ៖ នៅរសៀលថ្ងៃចន្ទ ១៣រោច ខែផល្គុន ឆ្នាំម្សាញ់ សប្ដស័ក ព.ស ២៥៦៩ ត្រូវនឹងថ្ងៃទី១៦ ខែមីនា ឆ្នាំ២០២៦ លោកជំទាវ ឧត្តមសេនីយ៍ឯក លឹម រស្មី អគ្គនាយករង និងជាប្រធានក្រុមការងារយេនឌ័រ នៃអគ្គនាយកដ្ឋានអត្តសញ្ញាណកម្ម អមដំណើរដោយសមាជិកាក្រុមការងារយេនឌ័រចំណុះអគ្គនាយកដ្ឋានអត្តសញ្ញាណកម្ម បានអញ្ជើញចុះសួរសុខទុក្ខលោកស្រី អនុសេនីយ៍ឯក ណៃ ស្រីរ័ត្ន នាយរងផ្នែក ការិយាល័យរដ្ឋបាល សរុប នៃនាយកដ្ឋានលិខិតឆ្លងដែន ដែលបានសម្រាលបានកូនប្រុស នៅមន្ទីសម្ភសោភា និងបាននាំយកថវិកា ដែលផ្តល់ដោយឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម និងលោកជំទាវ ថាំ វ៉ាន់នីកា សមាជិកាកិត្តិយស នៃគណៈកម្មាការសាខាសមាគនារី ក្រសួងមហាផ្ទៃ មានកាដូរ កន្ត្រកផ្លែឈើ និងថវិកា ដែលជាទឹកចិត្តរបស់ឯកឧត្តម ឧត្តមសេនីយ៍ឯក បណ្ឌិត អគ្គនាយក និងលោកជំទាវ ព្រមទាំងលោកជំទាវ ឧត្តមសេនីយ៍ឯក អគ្គនាយករងផងដែរ។