ស្រុកស៊ីធរកណ្តាល ខេត្តព្រៃវែង៖ នៅព្រឹកថ្ងៃសៅរ៍ ២រោច ខែចេត្រ ឆ្នាំម្សាញ់ សប្ដស័ក ព.ស. ២៥៦៩ ត្រូវនឹងថ្ងៃទី៤ ខែមេសា ឆ្នាំ២០២៦ ឯកឧត្តម បណ្ឌិត តុប នេត ប្រធានក្រុមការងាររាជរដ្ឋាភិបាលចុះមូលដ្ឋានស្រុកស៊ីធរកណ្តាល បានដឹកនាំក្រុមការងារចុះជួយឃុំទាំង១១ អញ្ជើញចូលរួមក្នុងពិធីនមស្ការព្រះរតនត្រ័យ សមាទានសីល ចម្រើនព្រះបរិត្ត វេរភត្តហារប្រគេនដល់ព្រះសង្ឈចំនួន ៥អង្គ និងពិធីសំណេះសំណាល ដើម្បីអបអរសាទព្រឹត្តិការណ៍ “សង្រ្កាន្តស៊ីធរកណ្តាល ឆ្នាំ២០២៦” ក្នុងបរិវេណសាលាស្រុកស៊ីធរកណ្តាល ខេត្តព្រៃវែង។

ក្នុងពិធីនេះ ក៏មានការអញ្ជើញចូលរួមពីសំណាក់ ឯកឧត្តម អនុប្រធានទី១ ចុះជួយមូលដ្ឋានស្រុកស៊ីធរកណ្តាល ឯកឧត្ដម លោកជំទាវ ដែលជាអនុប្រធានក្រុមការងារចុះមូលដ្ឋានឃុំទាំង១១ ព្រមទាំងក្រុមការងារលេខាធិការដ្ឋាន, ក្រុមការងារយុវជន, ក្រុមការងារចល័ត, និងក្រុមការងារចលនាស្រ្តី ព្រមទាំងប្រជាពលរដ្ឋជាច្រើនកុះករផងដែរ។