អគ្គនាយកដ្ឋានអត្តសញ្ញាណកម្ម ៖ នៅព្រឹកថ្ងៃពុធ ១៣កើត ខែពិសាខ ឆ្នាំមមី អដ្ឋស័ក ព.ស.២៥៦៩ ត្រូវនឹងថ្ងៃទី២៩ ខែមេសា ឆ្នាំ២០២៦ ឯកឧត្តម ឧត្តមសេនីយ៍ទោ ហេង ចំរើន អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញដឹកនាំកិច្ចប្រជុំពិនិត្យវឌ្ឍភាពការងារបច្ចេកទេសព័ត៌មានវិទ្យា និងវឌ្ឍភាពការងារ នៃការផ្តល់លេខកូដសម្គាល់អត្តសញ្ញាណបុគ្គល (UIC)។

ក្នុងកិច្ចប្រជុំនេះ ក៏មានការអញ្ជើញចូលរួមពី លោក ឧត្តមសេនីយ៍ទោ ឈុន វណ្ណា ប្រធាននាយកដ្ឋានគ្រប់គ្រងប្រព័ន្ធព័ត៌មានវិទ្យា លោក អនុប្រធាននាយកដ្ឋាន លោក លោកស្រីនាយ/ប្រធានការិយាល័យ លោក/លោកស្រីនាយរង/អនុប្រធានការិយាល័យ និងមន្រ្តីបច្ចេកទេស នៃនាយកដ្ឋានគ្រប់គ្រងប្រព័ន្ធព័ត៌មានវិទ្យា សរុបចំនួន ២៥រូបផងដែរ។