ស្រុកស៊ីធរកណ្តាល ខេត្តព្រៃវែង៖ នៅព្រឹកថ្ងៃសៅរ៍ ៨រោច ខែពិសាខ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី៩ ខែឧសភា ឆ្នាំ២០២៦ លោកជំទាវ ថាំ វ៉ាន់នីកា អនុប្រធានក្រុមការងារចុះមូលដ្ឋានស្រុកស៊ីធរកណ្ដាល ទទួលជួយក្រុមការងារចលនាស្រ្តី

ស្រុកស៊ីធរកណ្តាល ខេត្តព្រៃវែង៖ នៅព្រឹកថ្ងៃសៅរ៍ ៨រោច ខែពិសាខ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី៩ ខែឧសភា ឆ្នាំ២០២៦ លោកជំទាវ ថាំ វ៉ាន់នីកា អនុប្រធានក្រុមការងារចុះមូលដ្ឋានស្រុកស៊ីធរកណ្ដាល ទទួលជួយក្រុមការងារចលនាស្រ្តី អមដំណើរដោយលោកជំទាវ លឹម រស្មី ប្រធានក្រុមការងារចលនាស្ត្រី នៃក្រុមការងាររាជរដ្ឋាភិបាលចុះជួយស្រុក បានដឹកនាំសមាជិកា ចុះជួបសួរសុខទុក្ខ និងចែកអំណោយដល់គ្រួសារមានជីវភាពខ្វះខាតចំនួន ៧គ្រួសារ នៅស្រុកស៊ីធរកណ្តាល ខេត្តព្រៃវែង។ អំណោយដែលបានចែកជូនគ្រួសារនីមួយៗទាំង ៧គ្រួសារ នៅខាងលើរួមមាន៖ អង្ករ ២៥គីឡូ ទឹកត្រី ១យួរ ទឹកស៊ីអ៊ីវ ១យួរ ត្រីខ ១យួរ ព្រេងឆា ១ដប មី ១កេះ ម៉ុង១ ភួយ១ កន្ទេល១ ខ្នើយ១ និងថវិកាមួយចំនួន។

ក្នុងឱកាសនោះ លោកជំទាវ ក៏បានពាំនាំនូវការនឹករលឹក និងមតិផ្ដាំផ្ញើសួរសុខទុក្ខរបស់ ឯកឧត្តមបណ្ឌិត តុប នេត ប្រធានក្រុមការងារចុះមូលដ្ឋានស្រុកស៊ីធរកណ្តាល ជូនចំពោះបងប្អូនប្រជាពលរដ្ឋទាំង ៧គ្រួសារ និងបានលើកទឹកចិត្តដល់អាជ្ញាធរមូលដ្ឋានស្រុក និងឃុំ ព្រមទាំងក្រុមការងារចុះមូលដ្ឋានឃុំ ឱ្យបន្តជួយតាមដានសួរសុខទុក្ខ និងគាំទ្រដល់ពួកគាត់ជាបន្តបន្ទាប់ ប្រសិនបើមានបញ្ហាទុក្ខលំបាកក្នុងរូបភាពណាមួយបន្ថែមទៀត។

ឯកឧត្តម ផុន លីវិរៈ អគ្គនាយករង នៃអគ្គនាយកដ្ឋានអត្តសញ្ញាណកម្ម បានដឹកនាំក្រុមការងារនាយកដ្ឋានអត្រានុកូលដ្ឋាន អញ្ជើញចុះទៅស្រុកបូទុមសាគរ ខេត្តកោះកុង

ខេត្តកោះកុង៖ ថ្ងៃពុធ ៧រោច ខែមិគសិរ ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី១៨ ខែធ្នូ ឆ្នាំ២០១៩ ឯកឧត្តម ផុន លីវិរៈ អគ្គនាយករង នៃអគ្គនាយកដ្ឋានអត្តសញ្ញ...

១៨ ធ្នូ ២០១៩

១០ថ្ងៃមកនេះ មន្រ្តីអត្តសញ្ញាណកម្មផ្តល់សេវាជូនពលរដ្ឋជាង១ម៉ឺនសេវាទៀត នៅទូទាំងប្រទេស!

១០ថ្ងៃមកនេះ មន្រ្តីអត្តសញ្ញាណកម្មផ្តល់សេវាជូនពលរដ្ឋជាង១ម៉ឺនសេវាទៀត នៅទូទាំងប្រទេស! ការងារផ្តល់សេវាអត្តសញ្ញាណកម្ម បាននិងកំពុងផ្តល់ជូនប្រជាពលរដ្ឋ...

២៩ ឧសភា ២០២៥

ឯកឧត្តម ឧត្តមសេនីយ៍ឯក តុប នេត អគ្គនាយករង តំណាង ឯកឧត្តម នាយឧត្តមសេនីយ៍ កង សុខន អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមក្នុងឱកាស សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ អនុញ្ញាតឱ្យ ឯកឧត្តម ឧត្តមសេនីយ៍ឯក លឿង តាមក្វាង អនុរដ្ឋមន្រ្តីក្រសួងនគរបាលវៀតណាម ចូលជួបសម្ដែងការគួរសម និងពិភាក្សាការងារមួយចំនួន

សាលទទួលភ្ញៀវអន្តរជាតិ វិមានរដ្ឋសភា៖ នៅរសៀលថ្ងៃចន្ទ ៧រោច ខែអស្សុជ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី១៧ ខែតុលា ឆ្នាំ២០២២ ឯកឧត្តម ឧត្តមសេនីយ៍ឯក ត...

២៣ តុលា ២០២២