ខេត្តស្វាយរៀង៖ នៅថ្ងៃព្រហស្បតិ៍ ១១រោច ខែជេស្ឋ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី១១ ខែមិថុនា ឆ្នាំ២០២៦ លោកស្រី យក់ ស៊ីណាត អភិបាលរង នៃគណៈអភិបាលខេត្តស្វាយរៀង និងលោក យឹម សំអុល អនុប្រធាននាយកដ្ឋានអត្រានុកូលដ្ឋាន នៃអគ្គនាយកដ្ឋានអត្តសញ្ញាណកម្ម បានអញ្ជើញជាសហធិបតីភាពក្នុងពិធីបើកវគ្គបណ្តុះបណ្តាល តម្រង់ទិសការអនុវត្តលើការងារអត្តសញ្ញាណកម្មស្របតាមច្បាប់ស្តីពីអត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម។

ក្នុងពិធីបើកវគ្គនេះ មានការអញ្ជើញចូលរួមពីលោក លោកស្រី តំណាងសាលាដំបូងខេត្ត តំណាងមន្ទីរអប់រំ យុវជននិងកីឡា តំណាងមន្ទីរសុខាភិបាល លោកនាយក នាយករងរដ្ឋបាលសាលាខេត្ត ស្នងការរងនគរបាលខេត្ត ប្រធានការិយាល័យស្ថិតិនិងអត្រានុកូលដ្ឋានខេត្ត លោកអភិបាលរងក្រុង ស្រុក មន្រ្តីទទួលការងារអត្រានុកូលដ្ឋានក្រុង ស្រុកលោក អធិការរងនគរបាលក្រុង ស្រុក លោក លោកស្រីមេឃុំចៅសង្កាត់ ស្មៀនឃុំ សង្កាត់ លោកនាយប៉ុស្តិ៍នគរបាលរដ្ឋបាល ជំនួយការរដ្ឋបាលឃុំ សង្កាត់ និងមន្រ្តីរាជការពាក់ព័ន្ធ សរុបចំនួន៣៦៥នាក់។