លោកជំទាវ ឧត្តមសេនីយ៍ឯក លឹម រស្មី បានអញ្ជើញចូលរួមកិច្ចប្រជុំកម្រិតបច្ចេកទេសថ្នាក់ជាតិ ប្រមូលធាតុចូលដើម្បីរៀបចំផែនការយុទ្ធសាស្រ្តប្រយុទ្ធប្រឆាំងអំពើជួញដូរមនុស្ស ០៥ឆ្នាំ (២០២៤-២០២៨)

ទីស្ដីការក្រសួងមហាផ្ទៃ៖ នៅថ្ងៃចន្ទ ១កើត ខែកត្ដិក ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី១៣ ខែវិច្ឆិកា ឆ្នាំ២០២៣ លោកជំទាវ ឧត្តមសេនីយ៍ឯក លឹម រស្មី អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមកិច្ចប្រជុំកម្រិតបច្ចេកទេសថ្នាក់ជាតិ ប្រមូលធាតុចូលដើម្បីរៀបចំផែនការយុទ្ធសាស្រ្តប្រយុទ្ធប្រឆាំងអំពើជួញដូរមនុស្ស ០៥ឆ្នាំ (២០២៤-២០២៨) ក្រោមអធិបតីភាព លោកជំទាវ ជូ ប៊ុនអេង រដ្ឋលេខាធិការក្រសួងមហាផ្ទៃ និងជាអនុប្រធានអចិន្រ្តៃយ៍ គ.ជ.ប.ជ កម្មវិធីនេះប្រព្រឹត្តឡើងរយៈពេល១ថ្ងៃ នៅបន្ទប់ប្រជុំ ខេត្តបាត់ដំបង ទីស្ដីការក្រសួងមហាផ្ទៃ។

ក្នុងកិច្ចប្រជុំនេះ ក៏មានការអញ្ជើញចូលរួមពីសំណាក់ ឯកឧត្ដម លោកជំទាវ រដ្ឋលេខាធិការ អនុរដ្ឋលេខាធិការ តំណាង ក្រសួង-ស្ថាប័ន ពាក់ព័ន្ធ តំណាងអង្គការជាដៃគូរ និងមន្រ្តីជំនាញពាក់ព័ន្ធជាច្រើនរូបផងដែរ៕