ខេត្តកំពង់ឆ្នាំង៖ នៅថ្ងៃព្រហស្បតិ៍ ១១រោច ខែជេស្ឋ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី១១ ខែមិថុនា ឆ្នាំ២០២៦ ក្រុមការងារនាយកដ្ឋានអត្រានុកូលដ្ឋាន នៃអគ្គនាយកដ្ឋានអត្តសញ្ញាណកម្ម បានអញ្ជើញចុះត្រួតពិនិត្យ និងស្រាវជ្រាវការចុះបញ្ជីអត្រានុកូលដ្ឋានកំណើត នៅរដ្ឋបាលស្រុកកំពង់ត្រឡាច ខេត្តកំពង់ឆ្នាំង។ ដោយមានការអញ្ជើញចូលរួមពី លោកអភិបាលរងខេត្ត លោកស្នងការរងនគរបាលខេត្ត អភិបាលរងស្រុក លោក លោកស្រីប្រធាន និងអនុប្រធានការិយាល័យស្ថិតិ និងអត្រានុកូលដ្ឋានខេត្ត មន្ត្រីនគរបាលនៃស្នងការដ្ឋាននគរបាលខេត្ត លោកអធិការរងនគរបាលស្រុកទទួលផែនអត្តសញ្ញាណកម្ម អធិការរងនគរបាលស្រុកទទួលផែនអន្តោប្រវេសន៍ ប្រធានការិយាល័យរដ្ឋបាល និងហិរញ្ញវត្ថុសាលាស្រុក លោកមេឃុំតាជេស នាយប៉ុស្តិ៍នគរបាលរដ្ឋបាលតាជេស និងអ្នកពាក់ព័ន្ធផ្សេងទៀត សរុបអ្នកចូលរួមចំនួន ១៩នាក់។