ខេត្តឧត្ដរមានជ័យ៖ នៅព្រឹកថ្ងៃសុក្រ ៥កើត ខែបឋមាសាឍ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី១៩ ខែមិថុនា ឆ្នាំ២០២៦ ឯកឧត្តម ឧត្តមសេនីយ៍ឯក មាស ស៊ីផាន អគ្គនាយករង និងជាសមាជិកក្រុមការងារអចិន្ត្រៃយ៍ តំណាង ឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមចុះសហការជាមួយរដ្ឋបាលខេត្តឧត្តរមានជ័យ ដើម្បីពិនិត្យ និងវាយតម្លៃឡើងវិញមណ្ឌលសុវត្ថិភាពជនភៀសសឹកដែលបានរៀបចំនាពេលកន្លងមក នៅសាលាខេត្តឧត្តរមានជ័យ ក្រោមអធិបតីភាព ឯកឧត្តម ស៊ាង ប៊ុនលាង រដ្ឋលេខាធិការ ក្រសួងមហាផ្ទៃ និងលោកជំទាវ អគ្គមហាឧបាសិកា មហាសទ្ធាភិសិរីចរិយា ហ៊ុន ប៊ុនធឿន តំណាងដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។

ក្នុងកិច្ចប្រជុំនេះ ក៏មានការអញ្ជើញចូលរួមពី ឯកឧត្តម រដ្ឋលេខាធិការ អនុរដ្ឋលេខាធិការ ឯកឧត្ដម អគ្គនាយករង អភិបាលខេត្ត លោក អភិបាលរងខេត្ត កងកម្លាំងទាំងបី និងមន្ទីជុំវិញខេត្ត។