ទីស្ដីការក្រសួងមហាផ្ទៃ៖ នៅព្រឹកថ្ងៃសុក្រ ៥កើត ខែបឋមាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៩ ខែមិថុនា ឆ្នាំ២០២៦ ឯកឧត្តម លោកជំទាវ ជាថ្នាក់ដឹកនាំ នៃអគ្គនាយកដ្ឋានអត្តសញ្ញាណកម្ម ព្រមទាំងអស់លោក លោកស្រីជា សមាជិក សមាជិកា ស.ស.យ.ក. អគ្គនាយកដ្ឋានអត្តសញ្ញាណកម្ម ក្នុងវិស័យមហាផ្ទៃ បានអញ្ជើញចូលរួមក្នុងពិធីប្រកាសសមាសភាព និងវគ្គបណ្ដុះបណ្តាល ស្ដីពីលក្ខន្ដិកៈ និងបទបញ្ជាផ្ទៃក្នុងព្រមទាំងទស្សនទាន ស.ស.យ.ក. ២.០ ឆ្ពោះទៅ២០២៨ ជូនដល់សមាជិក សមាជិកា ស.ស.យ.ក. អគ្គនាយកដ្ឋានអត្តសញ្ញាណកម្ម ក្នុងវិស័យមហាផ្ទៃ ដោយពិធីបើកក្រោមអធិបតីភាព ឯកឧត្តម ខៀវ ភារិទ្ធ ប្រធានក្រុមការងារសហភាពសហព័ន្ធយុវជនកម្ពុជា ក្នុងវិស័យមហាផ្ទៃ និងពិធិបិទក្រោមអធិបតីភាព ឯកឧត្តម បណ្ឌិត តុប នេត សមាជិកគណៈកម្មាធិការកណ្តាល និងជាប្រធាននាយកដ្ឋានគ្រប់គ្រងប្រព័ន្ធសមាជិកភាព និងបច្ចេកវិទ្យាព័ត៌មាន នៃសហភាពសហព័ន្ធយុវជនកម្ពុជា។

ក្នុងពិធីនេះក៏បានការអញ្ជើញចូលរួមពី ឯកឧត្តម លោកជំទាវប្រធាន អនុប្រធានក្រុមការងារសហភាពសហព័ន្ធយុវជនកម្ពុជា ក្នុងវិស័យមហាផ្ទៃ ព្រមទាំងលោក លោកស្រីជាសមាជិក សមាជិកា ចំណុះនាយកដ្ឋានពាក់ព័ន្ធ នៃអគ្គនាយកដ្ឋានអត្តសញ្ញាណកម្ម សរុប ៥៥៥រូប។