នៅព្រឹកថ្ងៃអង្គារ ៨រោច ខែបឋមាសាឍ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី៧ ខែកក្កដា ឆ្នាំ២០២៦ ឯកឧត្តម បណ្ឌិត តុប នេត ប្រធានក្រុមការងាររាជរដ្ឋាភិបាលចុះមូលដ្ឋានស្រុកស៊ីធរកណ្តាល បានអញ្ជើញជួបប្រជុំជាមួយតំណាងអង្គការមូលនិធិរ៉ូតថារីនៅកម្ពុជា និងតំណាងមូលនិធិក្រុមគ្រូពេទ្យប៉ាយសួយឡាវយិនកម្ពុជា តាមរយៈប្រព័ន្ធវីដេអូ (Zoom)។ គោលបំណងកិច្ចប្រជុំ ដើម្បីត្រៀមសហការជាមួយអង្គការមូលនិធីទាំង២ លើការងារចុះពិនិត្យ និងព្យាបាលជំងឺជូនប្រជាពលរដ្ឋក្នុងមូលដ្ឋានស្រុកស៊ីធរកណ្ដាល ដោយឥតគិតកម្រៃ តាមបែបវេជ្ជសាស្រ្តសម័យទំនើប និងពេទ្យបុរាណចិន ក្នុងក្របខណ្ឌមនុស្សធម៌។