សាខាទីស្នាក់ការលិខិតឆ្លងដែន៖ អនុវត្តតាមគោលការណ៍ដឹកនាំរបស់ឯកឧត្តមនាយឧត្តមសេនីយ៍ កង សុខន អគ្គនាយកនៃអគ្គនាយកដ្ឋានអត្តសញ្ញាណកម្ម នៅក្នុងសប្តាហ៍កន្លងមកនេះ ក្រុមការងារប្រអប់សំបុត្រទទួលមតិ សំណូមពរប្រជាពលរដ្ឋ ដឹកនាំដោយឯកឧត្តម ឧត្តមសេនីយ៍ឯក សាយ ម៉េងឈាង អគ្គនាយករង និងជាអ្នកនាំពាក្យ នៃអគ្គនាយកដ្ឋានអត្តសញ្ញាណកម្ម បានចុះបើកប្រអប់សំបុត្រ និងផ្សព្វផ្សាយកម្ម​វិធីសេវាកម្មអត្តសញ្ញាណកម្ម ព្រមទាំងលេខទូរស័ព្ទប្រចាំការ​របស់ក្រុមការងារសេវាកម្មអត្តសញ្ញាណកម្ម ជូនដល់មន្ត្រីបម្រើសេវា និងប្រជាពលរដ្ឋ នៅសាខាទីស្នាក់ការផ្តល់លិខិតឆ្លងដែនប្រចាំខេត្តកោះកុង ខេត្តបន្ទាយមានជ័យ(ប៉ោយប៉ែត) និងខេត្តបាត់ដំបង ក្នុងគោលបំណងចូលរួមបង្កើនប្រសិទ្ធភាពនៃការផ្តល់សេវាសាធារណៈឲ្យកាន់តែល្អប្រសើរជូនប្រជាពលរដ្ឋដែលមកទទួលសេវា៕