ខេត្តមណ្ឌលគិរី៖ នៅព្រឹកថ្ងៃពុធ ៤កើត ខែផល្គុន ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២៦ ខែកុម្ភៈ ឆ្នាំ២០២០ ក្រុមការងារដឹកនាំផ្តល់ឡើងវិញនូវលិខិតរដ្ឋបាល និងអត្រានុ​កូលដ្ឋាន ដល់សហព័ទ្ធជាខ្មែរ កូន និងជនបរទេស​អន្តោប្រវេសន្ត ដឹកនាំដោយលោកឧត្តមសេនីយ៍ត្រី ហង្ស ចាន់សុទ្ធី ស្នងការរង ផែនការងារអត្តសញ្ញាណកម្ម និងជា​ប្រធានអនុគណៈកម្មការអនុវត្តន៍ផ្ទាល់។ ក្នុងនោះក៏មាន​ការ​អញ្ជើញចូលរួមពី លោក​នាយ​ការិយាល័យ​ លោកនាយ​ផ្នែកគ្រប់គ្រងការស្នាក់នៅ លោកអធិការនគរបាល អធិការរង លោក​មេប៉ុស្តិ៍នគរបាលរដ្ឋបាល ទាំង០៤ ដែលពាក់​ព័ន្ធព្រម​ទាំងប្រជាពលរដ្ឋ ចូលរួមចំនួន ០៨គ្រួសារ។ ជាមួយ​គ្នា​នោះ​ដែលក្រុមការងារបានធ្វើការណែនាំអំពីនីតិវិធីដល់ប្រជាពលរដ្ឋក្នុងការស្នើសុំមោឃភាព ឯកសាររដ្ឋបាល ដល់​គ្រួសារសហព័ទ្ធ​ជាខ្មែរ​ កូន និងជនបរទេសអន្តោប្រវេសន្ត ដើម្បីឱ្យពួកគាត់បានជ្រាបនៅអធិការដ្ឋាននគរបាលស្រុកពេជ្រដា ខេត្តមណ្ឌលគិរី៕