ខេត្តពោធិ៍សាត់៖ ថ្ងៃចន្ទ ៩កើត ខែផល្គុន ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២ ខែមីនា ឆ្នាំ២០២០ ក្រុមការងារដឹក​នាំផ្តល់ឡើងវិញនូវលិខិតរដ្ឋបាល និងអត្រានុកូលដ្ឋាន ដល់សហព័ទ្ធជាខ្មែរ កូន និងជនបរទេសអន្តោប្រវេសន្ត ដឹកនាំដោយលោកឧត្តមសេនីយ៍ត្រី នូវ តាល់ ស្នងការរ​ង​ទទួលផែនការងារអត្តសញ្ញាណកម្ម និងជាប្រធានអនុគណៈ​កម្មការអនុវត្តន៍ផ្ទាល់។ ក្នុងនោះផងដែលក៏​មាន​ការអញ្ជើញ​ចូលរួមពី លោក នាយ នាយរងការិយាល័យពាក់ព័ន្ធ លោកស្រី​ប្រធាការិយាល័យ​អត្រានុកូលដ្ឋាន លោក​ ចៅសង្កាត់​ ដែលពាក់ព័ន្ធ លោក​ មេប៉ុស្តិ៍នគរបាលរដ្ឋបាល ដែលពាក់ព័ន្ធ ព្រមទាំងប្រជាពលរដ្ឋ ចូលរួមចំនួន០៨គ្រួសារ។
បានចុះផ្សព្វផ្សាយ សេចក្តីសម្រេចលេខ០០៤ សសរ/ខពស របស់រដ្ឋបាលសាលាខេត្ត​ ស្តីពី ការបង្កើតគណៈ​កម្ម​ការ​ដឹកនាំផ្តល់ឡើងវិញនូវឯកសាររដ្ឋបាល និងអត្រានុកូលដ្ឋាន និងបានធ្វើការណែនាំពីនីតិវិធីមួយចំនួនក្នុងការស្នើសុំមោឃភាព ឯកសាររដ្ឋបាល និងអត្រានុកូលដ្ឋានមិនប្រក្រតី ដល់​គ្រួសារសហព័ទ្ធជាខ្មែរ​ កូននិងជនបរទេសអន្តោប្រវេសន្ត ដើម្បីឱ្យគាត់បានជ្រាបនៅ ស្រុកវាលវែង សរុប​ចំនួន ០៨គ្រួសារ​ ស្ថិតនៅ​ប៉ុស្តិ៍នគរបាលប្រម៉ោយ ស្រុក វាលវែង ខេត្តពោធិ៍សាត់៕