ខេត្តមណ្ឌលគិរី៖ នៅថ្ងៃពុធ ១១កើត ខែផល្គុន ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី០៤ ខែមីនា ឆ្នាំ២០២០ ឯកឧត្តម ផុន លីវិរៈ អគ្គនាយករង នៃអគ្គនាយកដ្ឋានអត្តសញ្ញាណកម្ម បានដឹកនាំកិច្ចប្រជុំបូកសរុបលទ្ធផលការងារចុះត្រួតពិនិត្យ និងគាំទ្រការអនុវត្តការងារអត្រានុកូលដ្នាន ការប្រើប្រាស់សៀវភៅស្រង់ស្ថិតិកំណើត អាពាហ៍ពិពាហ៍ និងមរណភាព នៅរដ្ឋបាលខេត្តមណ្ឌលគិរី ដែលបាន​ចុះ​អនុវត្តការងារកន្លងមក។ ក្នុងកិច្ចប្រជុំនេះផង​ដែរក៏មាន​កា​រ​អញ្ជើញចូលរួម លោកអភិបាលរង នៃគណៈអភិបាលរង​ខេត្តទទួលបន្ទុកការងារអត្រានុកូលដ្ឋាន នាយកទីចាត់​ការ​រដ្ឋបាលសាលាខេត្ត លោកអភិបាលរងក្រុង ស្រុក ទទួលបន្ទុកការងារអត្រានុកូលដ្ឋាន ប្រធានការិយាល័យ​អត្រានុកូលដ្ឋាន និងប្រធានការិយាល័យស្ថិតិ នាយករដ្ឋបាលសាលាក្រុង ស្រុក៕