ទីស្តីការក្រសួងមហាផ្ទៃ៖ នារសៀលថ្ងៃពុធ ៧រោច ខែពិសាខ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១៣ ខែឧសភា ឆ្នាំ២០២០ ឯកឧត្តម ឧត្តមសេនីយ៍ឯក សុខ ឃន អគ្គនាយករង និងលោកឧត្តមសេនីយ៍ឯក បេង សុវត្ថិ ប្រធាននាយកដ្ឋានស្ថិតិប្រជាពលរដ្ឋ នៃអគ្គនាយកដ្ឋាន​អត្តសញ្ញាណ បានអញ្ជើញចូលរួមក្នុងកិច្ចប្រជុំ​ដើម្បីបន្តពិនិត្យ​លើសេចក្តីព្រាងអនុក្រឹត្យស្តីពី «ការគ្រប់គ្រងសន្តិសុខ និងការចុះបញ្ជីអ្នកស្នាក់នៅតាមទីតាំងប្រមូលផ្តុំ»
ក្រោមអធិបតីភាព ឯកឧត្តម អ៊ូច ចាន់ណូរ៉ា ប្រធានក្រុមប្រឹក្សានីតិកម្ម និងជាប្រធានក្រុមការ​ងារ​បច្ចេក​ទេស។ ក្នុងកិច្ចប្រជុំនេះក៏មានការអញ្ជើញចូលរួមមកពី តំណាងអគ្គនាយកដ្ឋានអត្តសញ្ញាណកម្ម តំណាងអគ្គស្នងការ​ដ្ឋាននគរ​បាលជាតិ អគ្គនាយកដ្ឋានអន្តោប្រវេសន៍ និងជាសមា​ជិកក្រុមការងារបច្ចេកទេស ព្រមទាំងអង្គភាពដែលពាក់ព័ន្ធ៕