ទីស្តីការក្រសួងមហាផ្ទៃ៖ នៅរសៀលថ្ងៃពុធ ៦កើត ខែជេស្ឋ ឆ្នាំជូត ទោស័ក ព.ស. ២៥៦៤ ត្រូវនឹង ថ្ងៃទី២៧ ខែឧសភា ឆ្នាំ២០២០ ឯកឧត្តម ឧត្តមសេនីយ៍ឯក សុខ ឃន អគ្គនាយករង បានដឹកនាំក្រុមការងារនាយកដ្ឋាន​ស្ថិតិប្រជាពលរដ្ឋ នៃអគ្គនាយកដ្ឋានអត្តសញ្ញាណ អញ្ជើញចូលរួមកិច្ចប្រជុំបន្ត ក្រុមការងារបច្ចេកទេស​រៀបចំសេចក្តីព្រាងអនុក្រឹត្យស្តីពីការគ្រប់គ្រងសន្តិសុខនិងការចុះបញ្ជីអ្នកស្នាក់នៅតាមទីតាំងប្រមូលផ្តុំ ក្រោមអធិបតីភាព ឯកឧត្តម អ៊ូច ចាន់ណូរ៉ា ប្រធានក្រុមប្រឹក្សានីតិកម្ម និងជាប្រធាន​ក្រុមការងារបច្ចេកទេស។ ក្នុងកិច្ចប្រជុំនេះក៏មានការអញ្ជើញ​ចូលរួមមកពី តំណាងអគ្គនាយកដ្ឋានអត្តសញ្ញាណកម្ម តំណាងអគ្គស្នងការដ្ឋាននគរបាលជាតិ អគ្គនាយកដ្ឋាន​អន្តោប្រវេសន៍ និងជាសមាជិកក្រុមការងារបច្ចេកទេស ព្រមទាំងអង្គភាពដែលពាក់ព័ន្ធ៕