ទីស្តីការក្រសួងមហាផ្ទៃ៖ នៅរសៀលថ្ងៃពុធ ១៣កើត ខែជេស្ឋ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី០៣ ខែមិថុនា ឆ្នាំ២០២០ ឯកឧត្តម ឧត្តមសេនីយ៍ឯក សុខ ឃន អគ្គនាយករង នៃអគ្គនាយកដ្ឋានអត្តសញ្ញាណ បានអញ្ជើញ​ចូលរួមកិច្ចប្រជុំបន្តក្រុមការងារ​បច្ចេកទេសរៀបចំសេចក្តី​ព្រាង​អនុក្រឹត្យ​ ស្តីពី​ ការគ្រប់គ្រងសន្តិសុខ​ និងការចុះបញ្ជី​អ្នក​ស្នាក់​នៅតាមទីតាំងប្រមូលផ្តុំ ក្រោមអធិបតីភាព ឯកឧត្តម អ៊ូច ចាន់ណូរ៉ា ប្រធានក្រុមប្រឹក្សានីតិកម្ម និងជាប្រធាន​ក្រុមការ​ងារ​បច្ចេកទេស។ ក្នុងកិច្ចប្រជុំនេះក៏មានការអញ្ជើញចូលរួមមកពី ឯកឧត្តម តំណាងអគ្គស្នងការដ្ឋាននគរបាលជាតិ​ ឯកឧត្តម​ តំណាងអគ្គនាយកដ្ឋានអន្តោប្រវេសន៍ និងជាសមាជិកក្រុម​ការងារបច្ចេកទេស ព្រមទាំងអង្គភាពដែលពាក់ព័ន្ធ៕