អគ្គនាយកដ្ឋានអត្តសញ្ញាណកម្ម៖ នាថ្ងៃអង្គារ ១១រោច ខែជេស្ឋ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១៦ ខែមិថុនា ឆ្នាំ២០២០ ឯកឧត្តម ឧត្តមសេនីយ៍ទោ អ៊ុកចាយ បញ្ញារ៉ា អគ្គនាយករង នៃអគ្គនាយកដ្ឋានអត្តសញ្ញាណកម្ម បានដឹកនាំកិច្ចប្រជុំនាយកដ្ឋានគ្រប់គ្រងប្រព័ន្ធព័ត៌មានវិទ្យា នៃអគ្គនាយកដ្ឋានអត្តសញ្ញាណកម្ម។ ក្នុងកិច្ចប្រជុំនេះផងដែរក៏មានការអញ្ជើញចូលរួមពី លោកឧត្តមសេនីយ៍ត្រី ឈុន វណ្ណា ប្រធាននាយកដ្ឋានស្តីទី លោក លោកស្រី អនុប្រធាននាយកដ្ឋាន លោកនាយការិយាល័យ ចំណុះនាយកដ្ឋានគ្រប់គ្រងប្រព័ន្ធព័ត៌មានវិទ្យា។

របៀបវារៈនៃកិច្ចប្រជុំរួមមាន៖
១. ពិនិត្យរបាយការណ៍របស់នាយកដ្ឋានគ្រប់គ្រងប្រព័ន្ធព័ត៌មានវិទ្យាប្រចាំឆមាសទី១ ឆ្នាំ២០២០ និងទិសដៅការងារប្រចាំឆមាសទី២ ឆ្នាំ២០២០។
២. ពិនិត្យលើសកម្មភាពការងារជាអាទិភាពនៅក្នុងផែនការសកម្មភាពសម្រាប់ឆ្នាំ២០២១ របស់នាយកដ្ឋានគ្រប់គ្រងប្រព័ន្ធព័ត៌មានវិទ្យា។
៣. ពិភាក្សាអំពីប្រព័ន្ធព័ត៌មានវិទ្យារបស់អគ្គនាយកដ្ឋានអត្តសញ្ញាណកម្ម។
៤. ពិភាក្សាតម្រូវការផ្នែកទន់(Software) ផ្នែករឹង(Hardware) និងការបណ្តុះបណ្តាលរបស់មន្ត្រីនៅក្នុងនាយកដ្ឋានគ្រប់គ្រងប្រព័ន្ធព័ត៌មានវិទ្យា។
៥. បញ្ហាប្រឈម និងសំណូមពរ