បណ្ឌិត្យសភានគរបាលកម្ពុជា ៖ ថ្ងៃសុក្រ ៦កើត ខែអាសាឍ ឆ្នាំជូត ទោស័ក ព.ស. ២៥៦៤ ត្រូវនឹង ថ្ងៃទី២៦ ខែមិថុនា ឆ្នាំ២០២០ ឯកឧត្តម ឧត្តមសេនីយ៍ឯក សុខ ឃន អគ្គនាយករង តំណាងឯកឧត្ដម នាយឧត្តមសេនីយ៍ កង សុខន អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមក្នុងកិច្ច ប្រជុំឆ្លងសេចក្តីព្រាងបទបញ្ជាផ្ទៃក្នុងនិងប្រកាសសមាសភាពគណៈកម្មការរៀបចំសទ្ទានុក្រមក្នុងវិស័យសន្តិសុខនិងសណ្តាប់ធ្នាប់សាធារណៈនៃក្រសួងមហាផ្ទៃ ក្រោមអធិបតីភាព ឯកឧត្តម នាយឧត្តមសេនីយ៍ សាស្ត្រាចារ្យ សេង ផល្លី ប្រធានបណ្ឌិត្យសភានគរបាលកម្ពុជានិងជាប្រធានគណៈកម្មការរៀបចំសទ្ទានុក្រម។ ក្នុងកិច្ចប្រជុំនេះក៏មានការអញ្ជើញចូលរួមពីគ្រប់បណ្តាអង្គភាពចំណុះក្រសួងមហាផ្ទៃ តំណាងក្រុមប្រឹក្សាជាតិភាសាខ្មែរ ទីប្រឹក្សាក្រសួងមហាផ្ទៃ និងគ្រូនគរបាលជាតិ នៅបណ្ឌិត្យសភានគរបាលកម្ពុជា៕