ខេត្តឧត្តរមានជ័យ៖ នៅថ្ងៃពុធ ៩កើត ខែស្រាពណ៍ ឆ្នាំជូត ទោស័ក ព.ស. ២៥៦៤ ត្រូវនឹង ថ្ងៃទី២៩ ខែកក្កដា ឆ្នាំ២០២០ ស្នងការដ្ឋាននគរបាលខេត្តឧត្តរមានជ័យ ដឹកនាំដោយលោក ឧត្តមសេនីយ៍ទោ ស្នងការដ្ឋាននគរបាលខេត្តបានប្រជុំផ្សព្វផ្សាយរួមមាន៖-ប្រកាសលេខ២៨៨៤ ប្រកចុះថ្ងៃទី១ខែកក្កដា ឆ្នាំ២០២០ ស្ដីពីការផ្ទេរសមត្ថក្នុងការផ្ដល់សៀវភៅស្នាក់នៅ និងសៀវភៅគ្រួសារ របស់ក្រសួងមហាផ្ទៃ -សេចក្ដីណែនាំលេខ០០១ សណន ចុះថ្ងៃទី២២ខែកក្ដដា ឆ្នាំ២០២០ ស្ដីពីបែបបទនិងនិតិវិធី នៃការងារចុះបញ្ជីនិងគ្រប់គ្រងការស្នាក់នៅរបស់អគ្គនាយកដ្ឋានអត្តសញ្ញាណកម្ម ។ក្នុងកិច្ចប្រជុំផ្សព្វផ្សាយនេះក៏មានការអញ្ជើញចូលរួមលោកស្នងការរងទទួលផែនអត្តសញ្ញាណកម្ម លោកអធិការ អធិការរង ក្រុង ស្រុក និងនាយផ្នែកទទួលការងារអត្តសញ្ញាណកម្ម ក្រុងស្រុកទាំង០៥ និងប៉ុស្តិ៍នគរបាលរដ្ឋបាលទាំង២៤ ព្រមទាំងមន្ត្រីដែលពាក់ព័ន្ធ។