អគ្គនាយកដ្ឋានអត្តសញ្ញាណកម្ម៖ នៅព្រឹកថ្ងៃចន្ទ ១រោច ខែអាសាឍ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី០៦ ខែកក្កដា ឆ្នាំ២០២០ ក្រុមការងារថវិកា នៃអគ្គនាយកដ្ឋានអត្តសញ្ញាណកម្ម ដឹកនាំដោយ ឯកឧត្ដម ឧត្ដមសេនីយ៍ឯក តុប នេត បានអញ្ជើញចូលរួមក្នុងកិច្ចប្រជុំពិភាក្សា ស្ដីពីការរៀបចំផែនការយុទ្ធសាស្រ្ត ០៣ឆ្នាំរំកិល (២០២១-២០២៣) និងគម្រោងចំណូលចំណាយថវិកា ឆ្នាំ២០២១ ក្រោមអធិបតីភាព ឯកឧត្តម នាយឧត្តមសេនីយ៍ សេង យូអ៊ាន់ អគ្គនាយក នៃអគ្គនាយកដ្ឋានភស្តុភារ និងហិរញ្ញវត្ថុ។ ក្នុងកិច្ចប្រជុំនេះផងដែរក៏មានការចូលរួមពី ឯកឧត្តម អគ្គនាយករង លោកប្រធាន អនុប្រធាននាយកដ្ឋាន ព្រមទាំងលោកនាយការិយាល័យ និងមន្រ្តីជំនាញចំណុះអគ្គនាយកដ្ឋានអត្តសញ្ញាណកម្ម៕