ខេត្តកំពង់ចាម៖ នៅថ្ងៃសុក្រ ១២រោច ខែអាសាឍ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១៧ ខែកក្កដា ឆ្នាំ២០២០ លោកឧត្តមសេនីយ៍ត្រី ខេង ស្រេង ស្នងការរងទទួលផែនការងារអត្តសញ្ញាណកម្ម នៃស្នងការដ្ឋាននគរបាលខេត្តកំពង់ចាម បានដឹកនាំកិច្ចប្រជុំបូកសរុបលទ្ធផលកិច្ចប្រតិបត្តិការ ការងារអត្តសញ្ញាណកម្មប្រចាំខែកក្កដា និងណែនាំការងារមួយចំនួន ដើម្បីលើកទិសដៅអនុវត្តបន្តសម្រាប់ខែសីហា ឆ្នាំ២០២០ និងពង្រឹងការងារជំនាញក្នុងការបម្រើសេវាជូនប្រជាពលរដ្ឋ។ ក្នុងកិច្ចប្រជុំនេះក៏មានការអញ្ជើញចូលរួម លោកនាយការិយាល័យអត្តសញ្ញាណប័ណ្ណសញ្ជាតិខ្មែរ និងលោកនាយការិយាល័យគ្រប់គ្រងការស្នាក់នៅ លោក លោកស្រីនាយរងការិយាល័យ ព្រមទាំងលោក លោកស្រីអធិការរងទាំង១០ក្រុង-ស្រុក និងលោក លោកស្រីនាយផ្នែកចំណុះអោយផែនអត្តសញ្ញាណកម្មទាំងអស់៕