អគ្គនាយកដ្ឋានអត្តសញ្ញាណកម្ម៖ នៅរសៀលថ្ងៃសុក្រ ៤កើត ខែស្រាពណ៍ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២៤ ខែកក្កដា ឆ្នាំ២០២០ ឯកឧត្តម ឧត្តមសេនីយ៍ឯក សុខ ឃន អគ្គនាយករង នៃអគ្គនាយកដ្ឋានអត្តសញ្ញាណកម្ម បានដឹកនាំកិច្ច​ប្រជុំផ្សព្វផ្សាយប្រកាសលេខ ២៨៨៤ ប្រក ចុះថ្ងៃទី០១ ខែកក្កដា ឆ្នាំ២០២០ ស្ដីពី ការផ្ទេរសមត្ថកិច្ចក្នុងការផ្ដល់សៀវភៅស្នាក់នៅ និងសៀវភៅគ្រួសារ ព្រមទាំងបានផ្សព្វផ្សាយសេចក្តីណែនាំលេខ ០០១ សណន ចុះថ្ងៃទី២២ ខែកក្កដា ឆ្នាំ២០២០ ស្តីពី បែបបទ និងនីតិវិធី នៃការចុះបញ្ជី និងការគ្រប់គ្រងការស្នាក់នៅ។ ក្នុងកិច្ចប្រជុំនេះផងដែរក៏មានការអញ្ចើញចូលរួម លោកប្រធាន​នាយក​ដ្ឋានស្ថិតិប្រជាពលរដ្ឋ លោក លោកស្រីអនុប្រធាន​នាយកដ្ឋាន និងលោក លោកស្រីនាយការិយាល័យ ព្រមទាំង​លោកស្នងការរងទទួលផែនការងារអត្តសញ្ញាណកម្មទាំង២៥រាជធានី-ខេត្ត៕