ទីស្តីការក្រសួងសាធារណការ និងដឹកជញ្ជូន៖ នៅរសៀល​ថ្ងៃអង្គារ ៨កើត ខែស្រាពណ៍ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២៨ ខែកក្កដា ឆ្នាំ២០២០ ឯកឧត្ដម ឧត្តមសេនីយ៍ទោ អ៊ុកចាយ បញ្ញារ៉ា អគ្គនាយករង តំណាងឯកឧត្ដម នាយឧត្តមសេនីយ៍ កង សុខន អគ្គនាយក នៃអគ្គនាយកដ្ឋានអត្តសញ្ញាណកម្ម បានដឹកនាំមន្ត្រីជំនាញ​អញ្ជើញចូលរួមក្នុងកិច្ចប្រជុំពិភាក្សាការងារបច្ចេកទេស ក្នុងការ​តភ្ជាប់ប្រព័ន្ធស្វ័យប្រវត្តិកម្មដឹកជញ្ជូនផ្លូវគោក និងប្រព័ន្ធ​អត្តសញ្ញាណ​ប័ណ្ណសញ្ជាតិខ្មែរ ក្រោមអធិបតីភាពឯកឧត្ដម ឈួន វ៉ន់ អគ្គនាយក នៃអគ្គនាយកដ្ឋានដឹកជញ្ជូនផ្លូវគោក។ កិច្ចប្រជុំនេះក៏មានការអញ្ជើញចូលរួមពី ឯកឧត្ដម អគ្គនាយករង លោកប្រធាន អនុប្រធាននាយកដ្ឋាន លោកនាយការិយាល័យ ព្រមទាំងមន្ត្រីដែលពាក់ព័ន្ធ​ចំណុះ​អគ្គ​នាយកដ្ឋានទាំងពីរ៕