ខេត្តកំពង់ចាម៖ លោកឧត្តមសេនីយ៍ត្រី ខេង ស្រេង ស្នងការរងទទួលផែនអត្តសញ្ញាណកម្ម បានអញ្ជើញចូលរួមក្នុងកិច្ចប្រជុំផ្សព្វផ្សាយការងារពាក់ព័ន្ធ ប្រសលេខ២៨៨៤និងសេចក្តីណែនាំលេខ០០១សណន ការផ្ទេរសមត្ថកិច្ច ក្នុងការផ្ដល់សៀវភៅស្នាក់នៅនិងសៀវភៅគ្រួសារ និងការចាត់បញ្ជូនក្រុមការងារចល័តផ្ដល់អត្តសញ្ញាណប័ណ្ណសញ្ជាតិខ្មែរ ចំណុះអធិការដ្ឋាននគរបាលស្រុក-ក្រុង ទៅប្រចាំការផ្ដល់សេវានៅការិយាល័យច្រកចេញចូលតែមួយតាមរដ្ឋបាលស្រុក-ក្រុង ដឹកនាំដោយលោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម។ ក្នុងនោះក៏មានការអញ្ជើញចូលរួមលោកស្នងការរង លោក លោកស្រី នាយ នាយរងការិយាល័យ ចំណុះផែនការងារអត្តសញ្ញាណកម្ម។