រាជធានីភ្នំពេញ៖ នៅព្រឹកថ្ងៃទី២២ ខែកក្កដា ឆ្នាំ២០២១ នេះ ឯកឧត្តម ឧត្តមសេនីយ៍ឯក សាយ ម៉េងឈាង អគ្គនាយករង នៃអគ្គនាយកដ្ឋានអត្តសញ្ញាណកម្ម និងជាសមាជិកនៃអនុគណៈកម្មការឆ្លើយតបបន្ទាន់ និងស្រាវជ្រាវរកបុគ្គលផ្ទុកមេរោគកូវីដ ១៩ បានអញ្ជើញចូលរួមកិច្ចប្រជុំប្រកាសសមាសភាព និងរចនាសម្ព័ន្ធ នៃអនុគណៈកម្មការឆ្លើយតបន្ទាន់ និងស្រាវជ្រាវរកបុគ្គលផ្ទុកមេរោគកូវីដ១៩ (អនុគណៈកម្មការទី៣) តាមZoom Meeting ក្រោមអធិបតីភាព ឯកឧត្តម ឧត្តមសេនីយ៍ឯក ហ៊ុន ម៉ាណែត អនុប្រធានគណៈប្រតិបត្តិ គ.អ.ក ទទួលបន្ទុកអនុគណៈកម្មការទី៣ និងទី៤ និង ឯកឧត្តម ឧត្តមសេនីយ៍ឯក ឌី វិជ្ជា សមាជិកគណៈប្រតិបត្តិ គ.អ.ក និងជាប្រធានអនុគណៈកម្មការទី៣ និងមានការចូលរួមពី អនុប្រធាន សមាជិកអនុគណៈកម្មការ ប្រធាន អនុប្រធានផ្នែក ប្រធានក្រុម អនុប្រធានក្រុមចំណុះអនុគណៈកម្មការទី៣។