ខេត្តប៉ៃលិន​៖ នៅថ្ងៃពុធ ៩កើត ខែស្រាពណ៍ ឆ្នាំជូត ទោស័ក ព.ស. ២៥៦៤ ត្រូវនឹង ថ្ងៃទី២៩ ខែកក្កដា ឆ្នាំ២០២០ ឯកឧត្តម​ អភិបាល​ នៃគណៈអភិបាល​ខេត្តប៉ៃលិន​ បានអញ្ជើញជាអធិបតីភាព ក្នុងកិច្ចប្រជុំផ្សព្វផ្សាយរួមមាន៖-ប្រកាសលេខ២៨៨៤ ប្រកចុះថ្ងៃទី១ខែកក្កដា ឆ្នាំ២០២០ ស្ដីពីការផ្ទេរសមត្ថក្នុងការផ្ដល់សៀវភៅស្នាក់នៅ និងសៀវភៅគ្រួសារ របស់ក្រសួងមហាផ្ទៃ- សេចជូនដំណឹងលេខ ១៣៤ សជណ ចុះថ្ងៃទី២២ ខែ កក្កដា ឆ្នាំ២០២០ របស់អគ្គនាយកដ្ឋានអត្តសញ្ញាណកម្ម-សេចក្ដីណែនាំលេខ០០១ សណន ចុះថ្ងៃទី២២ខែកក្ដដា ឆ្នាំ២០២០ ស្ដីពីបែបបទនិងនិតិវិធីនៃការងារចុះបញ្ជីនិងគ្រប់គ្រងការស្នាក់នៅរបស់អគ្គនាយកដ្ឋានអត្តសញ្ញាណកម្ម។ ក្នុងកិច្ចប្រជុំផ្សព្វផ្សាយនេះក៏មានការអញ្ជើញចូលរួមលោកស្នងការនគរបាលខេត្តប៉ៃលិន លោកប្រធានមន្ទីរជុំវិញខេត្ត​ លោកអភិបាលក្រុងស្រុក​ មេឃុំ សង្កាត់ទាំង០៨​ និងលោកអធិការ អធិការរង និងនាយផ្នែកទទួលការងារអត្តសញ្ញាណកម្ម និងប៉ុស្តិ៍នគរបាលរដ្ឋបាលទាំង០៨ ព្រមទាំងមន្រ្តីដែលពាក់ព័ន្ធ៕