ខេត្តពោធិ៍សាត់៖ នៅថ្ងៃសៅរ៍ ១២កើត ខែស្រាពណ៍ ឆ្នាំជូត ទោស័ក ព.ស. ២៥៦៤ ត្រូវនឹង ថ្ងៃទី១ ខែសីហា ឆ្នាំ២០២០ លោកឧត្តមសេនីយ៍ត្រី ហៀង ស៊ីថា ស្នងការរងផែនការសេនាធិការ និងលោកវរសេនីយ៍ឯក សោម វឿន ស្នងការរងផែនការងារអត្តសញ្ញាណកម្ម តំណាងលោកឧត្តមសេនីយ៍ទោ សារុន ចាន់ធី ស្នងការនគរបាលខេត្តពោធិ៍សាត់ បានដឹកនាំកិច្ចប្រជុំផ្សព្វផ្សាយរួមមាន៖-ប្រកាសលេខ២៨៨៤ ប្រក ចុះថ្ងៃទី១ខែកក្កដា ឆ្នាំ២០២០ ស្ដីពីការផ្ទេរសមត្ថកិច្ចក្នុងការផ្ដល់សៀវភៅស្នាក់នៅ និងសៀវភៅគ្រួសារ របស់ក្រសួងមហាផ្ទៃ-សេចក្ដីណែនាំលេខ០០១ សណន ចុះថ្ងៃទី២២ខែកក្ដដា ឆ្នាំ២០២០ ស្ដីពីបែបបទនិងនិតិវិធីនៃការងារចុះបញ្ជីនិងគ្រប់គ្រងការស្នាក់នៅរបស់អគ្គនាយកដ្ឋានអត្តសញ្ញាណកម្ម។ ក្នុងកិច្ចប្រជុំផ្សព្វផ្សាយនេះក៏មានការអញ្ជើញចូលរួមលោកលោកស្រី នាយ នាយរងការិយាល័យចំណុះផែនការងារអត្តសញ្ញាណកម្ម និងផែនការងារសេនាធិការ លោកអធិការ អធិការរងនៃអធិការដ្ឋាននគរបាលស្រុក ក្រុងទាំង០៧ លោកនាយប៉ុស្តិ៍នគរបាលរដ្ឋបាលឃុំ សង្កាត់ទាំង៤៩ និងលោកនាយផ្នែកនគរបាលជំនាញ ព្រមទាំងមន្ត្រីដែលពាក់ព័ន្ធ៕