អគ្គនាយកដ្ឋានអត្តសញ្ញាណកម្ម៖ នៅរសៀលថ្ងៃចន្ទ ១៤កើត ខែស្រាពណ៍ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី០៣ ខែសីហា ឆ្នាំ២០២០ ឯកឧត្តម ឧត្តមសេនីយ៍ឯក វុធ ផល្លី អគ្គនាយករង តំណាងឯកឧត្តម នាយឧត្តមសេនីយ៍ កង សុខន អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញជាអធិបតីភាពក្នុងកិច្ចប្រជុំពិភាក្សា​ក្នុងកម្រិតបច្ចេកទេសជាមួយ ក្រុមការងាររបស់ធនាគារ ជីប​ ម៉ុង ដេីម្បីសិក្សាអំពីលទ្ធភាព​ នៃកិច្ចសហការ​ និងលំហូរនិតិវិធីក្នុងការប្រមូលកម្រៃសេវាធ្វេីលិខិតឆ្លងដែនតាមប្រព័ន្ធធនាគារ។ កិច្ចប្រជុំនេះក៏មានការអញ្ជើញចូលរួមពី លោកប្រធាននាយកដ្ឋាន លោកអនុប្រធាននាយកដ្ឋាន និងលោកនាយការិយាល័យ ចំណុះអគ្គនាយកដ្ឋានអត្តសញ្ញាណកម្ម ព្រមទាំងភាគីក្រុមការងាររបស់ធនាគារ ជីប​ ម៉ុង​ ផងដែរ៕