ខេត្តរតនគិរី៖ នៅថ្ងៃអង្គារ ១៥កើត ខែស្រាពណ៍ ឆ្នាំជូត ទោស័ក ព.ស. ២៥៦៤ ត្រូវនឹង ថ្ងៃទី៤ ខែសីហា ឆ្នាំ២០២០ លោកឧត្តមសេនីយ៍ទោ យិន ចំណាន ស្នងការនគរបាលខេត្តរតនគិរី បានដឹកនាំកិច្ចប្រជុំផ្សព្វផ្សាយរួមមាន៖-ប្រកាសលេខ២៨៨៤ ប្រក ចុះថ្ងៃទី១ ខែកក្កដា ឆ្នាំ២០២០ ស្ដីពីការផ្ទេរសមត្ថកិច្ចក្នុងការផ្ដល់សៀវភៅស្នាក់នៅ និងសៀវភៅគ្រួសារ របស់ក្រសួងមហាផ្ទៃ-សេចក្ដីណែនាំលេខ០០១ សណន ចុះថ្ងៃទី២២ ខែកក្កដា ឆ្នាំ២០២០ ស្ដីពីបែបបទនិងនិតិវិធីនៃការងារចុះបញ្ជីនិងគ្រប់គ្រងការស្នាក់នៅរបស់អគ្គនាយកដ្ឋានអត្តសញ្ញាណកម្ម។ ក្នុងកិច្ចប្រជុំផ្សព្វផ្សាយនេះក៏មានការអញ្ជើញចូលរួមលោក លោកស្រីស្នងការរង លោក លោកស្រីនាយ នាយរងការិយាល័យនិងមន្ត្រីចំណុះផែនការងារអត្តសញ្ញាណកម្ម លោកអធិការ លោក លោកស្រីអធិការរង លោកនាយ នាយរងផ្នែកនិងមន្ត្រីចំណុះអធិការដ្ធានស្រុក ក្រុងទាំង០៩ លោកនាយប៉ុស្តិនគរបាលរដ្ធបាលទាំង៥០ ព្រមទាំងមន្ត្រីដែលពាក់ព័ន្ធ៕