នៅព្រឹកថ្ងៃព្រហស្បតិ៍ ១កើត ខែស្រាពណ៍ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី០១ ខែសីហា ឆ្នាំ២០១៩ នាសាលប្រជុំអគ្គនាយកដ្ឋានអត្ត​សញ្ញាណកម្ម បានរៀបចំកិច្ច​ប្រជុំបូកសរុបការងារប្រចាំឆមាសទី១ ឆ្នាំ២០១៩ និងទិសដៅ​ការ​ងារអនុវត្តបន្ត និងផ្សព្វផ្សាយសេចក្ដីណែនាំលេខ ០១៥ សណន ស្ដីពី ការចេញលិខិតរដ្ឋបាល និងលិខិតអត្រានុកូល​ដ្ឋានឱ្យសហព័ទ្ធជាខ្មែរ កូន និងជនបទេសអន្តាប្រវេសន្ត ចុះថ្ងៃទី០១ ខែកក្កដា ឆ្នាំ២០១៩ និងសេចក្តីណែនាំលេខ ០២៨ សណន ស្ដីពី ការគ្រប់គ្រងវត្តមានជន​បរទេសក្នុង​ព្រះរាជា​ណាចក្រកម្ពុជា ចុះថ្ងៃទី១៩ ខែកក្កដា ឆ្នាំ២០១៩ របស់ក្រសួងមហាផ្ទៃ ក្រោមអធិបតីភាព ឯកឧត្តម នាយឧត្តម​សេនីយ៍ កង សុខន អគ្គនាយក នៃអគ្គនាយកដ្ឋាន​អត្ត​សញ្ញាណកម្ម ។ ក្នុង​កិច្ចប្រជុំនេះផងដែរ​ក៏មាន​ការ​អញ្ជើញ​ចូលរួមពី ឯកឧត្តម លោក​​ជំទាវ អគ្គនាយករង លោកប្រធាននាយកដ្ឋានទាំង០៧ ព្រមទាំង លោកស្នងការ​រងទទួល​ផែនអត្តសញ្ញាណ​កម្ម​ ទាំង​២៥រាជធានី-ខេត្ត៕