នៅព្រឹកថ្ងៃពុធ ៧កើត ខែស្រាពណ៍ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី០៧ ខែសីហា ឆ្នាំ២០១៩ នាសាលប្រ​ជុំអគ្គនាយកដ្ឋានអត្តសញ្ញាណកម្ម ឯកឧត្តម នាយឧត្តម​សេនីយ៍ កង សុខន អគ្គនាយក នៃអគ្គនាយក​ដ្ឋានអត្ត​សញ្ញាណកម្ម បានដឹកនាំកិច្ចប្រជុំត្រួតពិនិត្យ​ការងារ​ផ្សព្វ​ផ្សាយអប់រំ និងការងារ ស្រាវជ្រាវព័ត៌មាន​តាមដាន​សម្របសម្រួលនិងឆ្លើយតបក្នុងបណ្តាញទំនាក់ទំនងសង្គមរបស់ អគ្គនាយកដ្ឋានអត្តសញ្ញាណកម្ម ។

កិច្ចប្រជុំបានប្រមូលផ្តុំសំណូមពរនានារបស់ប្រជាពលរដ្ឋដើម្បីពិនិត្យឆ្លើយតប និងផ្តល់ដំណោះស្រាយលើបញ្ហានានាឱ្យ​បានរហ័ស និងមានប្រសិទ្ធភាពក្នុង​គោល​បំណង​កែលម្អសេវា​ឱ្យកាន់តែប្រសើរឡើង៕