ទីស្តីការក្រសួងមហាផ្ទៃ៖ នៅព្រឹកថ្ងៃសុក្រ ១០រោច ខែបុស្ស ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី០៨ ខែមករា ឆ្នាំ២០២១ ឯកឧត្តម នាយឧត្តមសេនីយ៍ កង សុខន អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញ​ចូលរួមក្នុងកិច្ចប្រជុំ ដើម្បីពិភាក្សាការ​កែសម្រួល​លក្ខណៈ​សម្បត្ដិ នៃគោលនយោបាយភូមិ ឃុំ មានសុវត្ថិភាព ក្រោមអធិបតីភាពដ៏ខ្ពង់ខ្ពស់ សម្ដេច​ក្រ​ឡាហោម ស ខេង ឧបនាយករដ្ឋមន្រ្តី រដ្ឋមន្ត្រីក្រសួងមហាផ្ទៃ ឯកឧត្តម ប្រាក់ សុខុន ឧបនាយករដ្ឋមន្រ្តី រដ្ឋមន្រ្តីក្រសួងការបរទេស និងសហ​ប្រតិបត្តិការអន្តរជាតិ និងលោកជំទាវ​កិត្តិសង្គ​ហបណ្ឌិត ម៉ែន សំអន ឧបនាយករដ្ឋមន្រ្តី រដ្ឋមន្រ្តីក្រសួងទំនាក់ទំនងរដ្ឋសភា ព្រឹទ្ធសភា និងអធិការកិច្ច។ កិច្ចប្រជុំនេះ​ក៏មាន​ការអញ្ជើញ​ចូលរួមពី ថ្នាក់ដឹកនាំក្រសួងស្ថាប័នពាក់ព័ន្ធ ឯកឧត្តម រដ្ឋលេខា​ធិការ អនុរដ្ឋលេខា​ធិការ ឯកឧត្តម នាយឧត្តមសេនីយ៍ សន្តិបណ្ឌិត អគ្គស្នង​ការ​នគរបាលជាតិ ព្រមទាំង​តំណាង​អគ្គនាយក​ដ្ឋាន​នានា​ចំណុះ​ក្រសួងមហាផ្ទៃ និងអង្គភាព​ជំនាញ​​ពាក់​ព័ន្ធជា​ច្រើនផងដែរ៕