ទីស្តីការក្រសួងមហាផ្ទៃ៖ នៅព្រឹកថ្ងៃសុក្រ ៨រោច ខែមាឃ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី០៥ ខែកុម្ភៈ ឆ្នាំ២០២១ ឯកឧត្តម ឧត្តមសេនីយ៍ឯក សាយ ម៉េងឈាង អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមក្នុងកិច្ចប្រជុំដើម្បីធ្វើបច្ចុប្បន្នភាព អំពី កិច្ចសហប្រតិបត្តិការ ជាមួយស្ថាប័ននានា នៃបណ្តាប្រទេសជាមិត្ត និងអង្គការដៃគូអន្តរជាតិ ក្នុងក្របខណ្ឌក្រសួងមហាផ្ទៃ ដើម្បីមានមូលដ្ឋានជាក់លាក់ និងគ្រប់ជ្រុងជ្រោយមុននឹងគោរពរាយការណ៍ជូន សម្តេចក្រឡាហោម ដើម្បីពិនិត្យ និងផ្ដល់មតិដឹកនាំដ៏ខ្ពង់ខ្ពស់ ក្រោមអធិបតីភាព ឯកឧត្តម នាយឧត្តមសេនីយ៍ ប៉ោ ភក្ដិ អគ្គលេខាធិការ នៃអគ្គលេខាធិការដ្ឋាន ក្រសួងមហាផ្ទៃ។ ក្នុងកិច្ចប្រជុំនេះផងដែរក៏មានការអញ្ចើញចូលរួម លោកជំទាវ អគ្គលេខាធិការ គជបជ ឯកឧត្តម តំណាងអគ្គនាយកដ្ឋាននានាចំណុះក្រសួងមហាផ្ទៃ និងអង្គភាពជំនាញពាក់ព័ន្ធជាច្រើនផងដែរ៕