អគ្គនាយកដ្ឋានអត្តសញ្ញាណកម្ម៖ នៅថ្ងៃចន្ទ ៥កើត ខែបឋមាសាឍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១៤ ខែមិថុនា ឆ្នាំ២០២១ លោក ឧត្តមសេនីយ៍ឯក ព្រហ្ម ចាន់សុខា ប្រធាននាយកដ្ឋានលិខិតឆ្លងដែន តំណាងឯកឧត្តម នាយ​ឧត្តម​សេនីយ៍ កង សុខន អគ្គនាយក នៃអគ្គនាយក​ដ្ឋាន​អត្តសញ្ញាណកម្ម បានដឹកនាំមន្រ្តី នៃ​នាយកដ្ឋាន​លិខិត​ឆ្លងដែនដើម្បីអញ្ជើញចូលរួមរំលែកនូវមរណទុក្ខ ចំពោះ​មរណ​ភាព​របស់លោកវរសេនីយ៍ត្រី ហន ហេន នាយផ្នែក នៃសាខា​នាយក​ដ្ឋានលិខិតឆ្លង​ដែនប្រចាំ​ខេត្តបន្ទាយមានជ័យ ដែល​បាន​​ទទួល​មរណភាព នាព្រឹកថ្ងៃអាទិត្យ ១១រោច ខែជេស្ឋ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី០៦ ខែមិថុនា ឆ្នាំ២០២១ ដោយរោគាពាធ ក្នុងជន្មាយុ ៥៦ឆ្នាំ ព្រមទាំងបានពាំ​នាំនៅ​ថវិកា​ដ៏ថ្លៃថ្លារបស់ សម្តេចក្រ​ឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ចំនួន៣លានរៀល ថវិកាដ៏ថ្លៃថ្លារបស់ ឯកឧត្តម នាយ​ឧត្តម​សេនីយ៍ អគ្គនាយក នៃអគ្គនាយក​ដ្ឋាន​អត្តសញ្ញាណកម្ម ចំនួន២លាន​រៀល និងថវិកាចំនួន៦លានរៀល របស់សមាគមមិត្តនគរ​បាល​ប្រគល់​ជូនគ្រួសារ នៃសពផងដែល។