ខេត្តកំពង់ចាម៖ លោកជំទាវ ឧត្តមសេនីយ៍ឯក លឹម រស្មី អគ្គនាយករង នៃអគ្គនាយកដ្ឋានអត្តសញ្ញាណកម្ម បាន​អញ្ជើញចូលរួមកិច្ចប្រជុំរៀបចំសេចក្ដីព្រាងផែនការយុទ្ធសាស្រ្តជាតិសុខភាព ជនទេសន្តរប្រវេសន៍ របស់ក្រសួង​សុខា​ភិ​បាល និងពិធី​បិទវគ្គបណ្តុះបណ្តាលការបង្កើត​សេចក្ដី​ព្រាង​ផែន​ការយុទ្ធសាស្រ្តជាតិ ស្ដីពីសុខភាពជនទេសន្តរប្រវេសន៍ ក្នុងមូលដ្ឋានព្យាបាល និងថែទាំសុខភាព នៅព្រះរាជ​ណាច​ក្រ​កម្ពុជា ក្រោមអធិបតីភាព លោកជំទាវ ជូ ប៊ុនអេង រដ្ឋលេខា​ធិ​ការក្រសួងមហាផ្ទៃ និងជាអនុប្រធានអចិន្រ្តៃយ៍ នៃគណៈ​កម្មាធិការជាតិប្រយុទ្ធប្រឆាំងអំពើជួញដូរមនុស្ស (គ.ជ.ប.ជ) និង​ឯកឧត្តម អ៊ុន ចាន់ដា អភិបាល នៃគណៈ​អភិបាល​ខេត្តកំពង់ចាម។

ក្នុងកិច្ចប្រជុំនេះផងដែរមានរយៈពេល ០៣ថ្ងៃ ចាប់ពីថ្ងៃទី០៨ ដល់១០ ខែធ្នូ ឆ្នាំ២០២១ (ថ្ងៃពុធ ដល់ថ្ងៃសុក្រ) នៅសាលប្រជុំសណ្ឋាគារ LBN ក្រុងកំពង់ចាម ខេត្តកំពង់ចាម។ ក្នុងពិធីនោះក៏មានការអញ្ជើញចូលរួមពី ឯកឧត្តម អភិបាល នៃគណៈអភិបាលខេត្តកំពង់ចាម ឯកឧត្តម លោកជំទាវ លោក លោកស្រី តំណាងនាយកដ្ឋាននានាចំណុះក្រសួងមហាផ្ទៃ ព្រមទាំងលោក លោកស្រី តំណាងមន្ទីរសុខាភិបាលខេត្ត និងតំណាងអង្គការអន្តរជាតិ សម្រាប់ជន​អន្ដោប្រវេសន៍​នៅ​កម្ពុជា (IOM) អន្ដរក្រសួង ស្ថាប័ន ពាក់ព័ន្ធជាសមាជិក និងអង្គភាពជំនាញជាច្រើនផងដែរ៕